దర్శకధీరుడు ఎస్.ఎస్.రాజమౌళి దర్శకత్వంలో యంగ్ టైగర్ ఎన్టీర్, మెగా పవర్ స్టార్ రామ్ చరణ్ హీరోలుగా తెరకెక్కుతోన్న RRR సినిమా అప్డేట్స్ కోసం ఇటు నందమూరి అభిమానులతో పాటు, అటు మెగా ఫ్యాన్స్ ఆసక్తిగా ఎదురుచూస్తున్నారు. రాజమౌళి అభిమానులు కూడా ఏదైనా అప్డేట్ ఇవ్వండి అంటూ అడుగుతున్నారు. మొత్తానికి అందరినీ ఆశ్చర్యపరుస్తూ బిగ్ అనౌన్స్మెంట్ ఇచ్చారు రాజమౌళి. రేపు ఉగాది పండుగ సందర్భంగా అభిమానులకు అదిరిపోయే గిఫ్ట్ ఇస్తున్నారు. RRR టైటిల్ లోగోతో పాటు మోషన్ పోస్టర్ను రేపు (మార్చి 25)న విడుదల చేస్తున్నారు. పాన్ ఇండియా మూవీగా తెరకెక్కుతోన్న ఈ సినిమా మోషన్ పోస్టర్ను అన్ని భాషల్లోనూ లాంచ్ చేస్తున్నారు. తెలుగు పోస్టర్ను డీవీవీ మూవీస్ యూట్యూబ్ ఛానెల్లో విడుదల చేస్తుండగా.. తమిళ్ పోస్టర్ను ఎన్టీఆర్ అఫీషియల్, హిందీ పోస్టర్ను అజయ్ దేవగణ్, కన్నడ పోస్టర్ను వారాహి, మలయాళ పోస్టర్ను రామ్ చరణ్ యూట్యూబ్ ఛానెళ్లలో విడుదల చేస్తున్నట్టు ప్రకటించారు. ఈ మేరకు జూనియర్ ఎన్టీఆర్ ట్వీట్ చేశారు. ఆలియా భట్ ఉన్నట్టే.. ఈ సినిమా నుంచి ఆలియా భట్ తప్పుకున్నట్టు ఇటీవల వార్తలు వచ్చాయి. ఆమె స్థానంలో మరొక తార కోసం రాజమౌళి వెతుకున్నారని కూడా అన్నారు. అయితే, ఈ వార్తల్లో నిజం లేదని ఈరోజు తేలిపోయింది. ఎందుకంటే RRR మోషన్ పోస్టర్ విడుదల ప్రకటనను ఆలియా భట్ కూడా ట్వీట్ చేశారు. ఆమె ట్వీట్ను RRR మూవీ అఫీషియల్ ట్విట్టర్ పేజ్ నుంచి రీట్వీట్ చేశారు. ఆలియా భట్ ఈ సినిమాలో చేస్తున్నారని ఇంతకంటే స్పష్టత ఏముంటుంది.
from Telugu Movie News | Movie News in Telugu | Movie Gossips in Telugu https://ift.tt/2WM9zaG
v
No comments:
Post a Comment