అనుకున్న తేదీకే నితిన్ పెళ్లి.. వేదిక మార్పు!

యంగ్ హీరో నితిన్ పెళ్లి వేడుకను ఏప్రిల్ 16న నిర్వహించనున్నట్టు ఇప్పటికే నిర్ణయించిన సంగతి తెలిసిందే. దుబాయ్‌లో డెస్టినేషన్ మ్యారేజ్ చేయాలని నిర్ణయించారు. అయితే, కరోనా వైరస్ విజృంభిస్తోన్న నేపథ్యంలో దుబాయ్‌లో పెళ్లి వేడుకను రద్దు చేసుకునే యోచనలో ఇరు కుటుంబ సభ్యులు ఉన్నట్టు వార్తలు వచ్చాయి. అయితే, ఇటు నితిన్ కుటుంబం కానీ.. అటు వధువు షాలిని కందుకూరి కుటుంబం కానీ ఈ వార్తలను ఖరారు చేయలేదు. కానీ, ప్రస్తుతం ఉన్న పరిస్థితుల్లో దుబాయ్ వెళ్లే ప్రసక్తే లేదు. హైదరాబాద్‌లో కూడా వివాహ వేడుక నిర్వహించే పరిస్థితి కూడా కనిపించడంలేదు. అయినప్పటికీ, పెళ్లిని వాయిదా వేసే యోచనలో ఇరు కుటుంబాలు లేనట్టు సమాచారం. కచ్చితంగా అనుకున్న ముహూర్తానికి పెళ్లి చేయాలని చూస్తున్నారు. దీని కోసం అమ్మాయి స్వస్థలం నాగర్ కర్నూలును వేదికగా ఎంపిక చేసుకున్నారని అంటున్నారు. అక్కడ కూడా కేవలం ఇరు కుటుంబ సభ్యుల మధ్య చాలా సింపుల్‌గా పెళ్లి చేయాలని నిర్ణయించినట్టు తెలిసింది. బంధువులు కూడా పెద్దగా ఎవ్వరూ హాజరుకారని అంటున్నారు. పరిస్థితులు పూర్తిగా అదులపులోకి వచ్చిన తరవాత హైదరాబాద్‌లో రిసెప్షన్ నిర్వహిస్తారని సమాచారం. కాగా, ఏప్రిల్ 15 నిశ్చితార్థం, 16న పెళ్లి నిర్వహించడానికి ముహూర్తాలు ఖరారు చేసిన సంగతి తెలిసిందే. Also Read: ఇదిలా ఉంటే, కరోనా వైరస్‌ నియంత్రణలో తన వంతు సాయంగా తెలంగాణ, ఆంధ్రప్రదేశ్ ముఖ్యమంత్రుల సంక్షేమ నిధులకు హీరో నితిన్ రూ.10 లక్షల చొప్పున సాయం ప్రకటించిన సంగతి తెలిసిందే. తెలంగాణ ప్రభుత్వానికి 10 లక్షల రూపాయలను మంగళవారం నితిన్ అందజేశారు. స్వయంగా ప్రగతి భవన్‌కు వెళ్లి సీఎం కేసీఆర్‌కు చెక్ ఇచ్చారు. ఏపీ ప్రభుత్వానికి ఎలా అందజేస్తారు అనేది తెలియాల్సి ఉంది.

from Telugu Movie News | Movie News in Telugu | Movie Gossips in Telugu https://ift.tt/2vIiJtM
v