కరోనా.. కరోనా.. కరోనా.. ఇప్పుడు ఇక్కడ విన్నా ఈ మహమ్మారి గురించే. ప్రపంచదేశాలను వణికిస్తున్న ఈ వైరస్ ఇండియాకు సైతం వ్యాపించడంతో కేంద్ర రాష్ట్ర ప్రభుత్వాలు నివారణ చర్యలను చేపట్టాయి. తెలంగాణలో ఇప్పటికే కేసు నమోదు కావడంతో అటు ఆంధ్రలోనూ వందతులు వ్యాపించాయి. కోనసీమ ఈ వ్యాధి లక్షణాలతో ఉన్న వ్యక్తి ఉన్నాడనే వార్తలు బయటకు రావడంతో ప్రజలు భయాందోళనలో ఉన్నారు. ఈ కరోనా వైరస్ ప్రభావంతో చైనాకు కోలుకోలేని దెబ్బ తగిలింది. ఈ మహమ్మారి ప్రాణాన్ని తీయడమే కాదు.. ఆ దేశ ఆర్ధికవ్యవస్థపై కూడా తీవ్ర ప్రభావాన్ని చూపుతోంది. రద్దీగల ప్రదేశాల్లో, జనం సంచారం ఎక్కువగా ఉండే ప్రదేశాల్లో ఈ వ్యాధి వ్యాపించే అవకాశాలు ఎక్కువగా ఉన్నాయని చెప్తుండటంతో రైల్వే, బస్ స్టేషన్లతో పాటు షాపింగ్ మాల్స్, పార్కులతో పాటు సినిమా థియేటర్స్, మల్టీప్లెక్స్లు జనంలేక బోసిపోతున్నాయి. ముఖ్యంగా కరోనా వైరస్ ప్రభావంతో చైనాలో ని థియేటర్స్ అన్నీ మూతబడ్డాయి. సుమారు దేశవ్యాప్తంగా ఉన్న 70000 థియేటర్స్ యాజమన్యాలు స్వచ్ఛందంగా థియేటర్స్ను మూసి వేశారు. సినిమా మార్కెట్ ఎక్కువగా ఉండే చైనాలో థియేటర్స్ మూత పడటంతో కొత్త సినిమాలు రాక.. ఉన్న సినిమాలు వేయలేక చైనా బాక్సాఫీస్ కుదేలైంది. కోట్లు పెట్టి సినిమాలు తీసిన నిర్మాతలు, డిస్ట్రిబ్యూటర్స్, థియేటర్స్ యాజమాన్యాలు, అందులో పనిచేసే కార్మికులు అందరూ గగ్గోలు పెడుతున్నారు. అయితే ప్రాణాలు దక్కితే చాలు తరువాత సినిమాలు అంటూ బిక్కుబిక్కుమంటూ బతుకుతున్నారు అక్కడి జనం. అయితే ఇక తెలుగు రాష్ట్రాల్లో ఇప్పటికే కరోనా ప్రభావం ఉండటంతో థియేటర్స్ యాజమాన్యాలు ఆందోళన చెందుతున్నాయి.
from Telugu Movie News | Movie News in Telugu | Movie Gossips in Telugu https://ift.tt/38hjtDu
v
No comments:
Post a Comment