రాజశేఖర్ సినిమాకు కరోనా ఎఫెక్ట్.. విడుదల వాయిదా

యాంగ్రీమేన్ డాక్టర్ రాజశేఖర్ సినిమాకు కరోనా వైరస్ ఎఫెక్ట్ తగిలింది. కరోనా భయంతో ప్రేక్షకులకు సినిమా థియేటర్లకు రావడానికి కూడా భయపడుతున్నారు. దీంతో తెలుగు రాష్ట్రాల్లోని ప్రధాన నగరాలు, పట్టణాల్లో ప్రస్తుతం థియేటర్లకు ఆడియన్స్ రావడంలేదు. అందుకే ఈ సమయంలో ‘అర్జున’ సినిమాను విడుదల చేయడం మంచిది కాదని భావించి వాయిదా వేశారు. రాజశేఖర్ ద్విపాత్రాభినయం చేసిన ‘అర్జున’ చిత్రాన్ని ముందుగా ప్రకటించినట్లు శుక్రవారం (మార్చి 6న) కాకుండా 13న విడుదల చేయనున్నట్లు నిర్మాతలు నట్టి కరుణ, నట్టి క్రాంతి ప్రకటించారు. కరోనా ప్రభావం కారణంగానే చిత్రం విడుదలను వారం రోజుల పాటు వాయిదా వేస్తూ నిర్ణయం తీసుకున్నామని వారు తెలిపారు. ఈ సినిమాలో రాజశేఖర్ సరసన మరియం జకారియా హీరోయిన్‌గా నటించారు. ఈ చిత్రానికి కన్మణి దర్శకత్వం వహించారు. నట్టిస్ ఎంటర్‌టైన్మెంట్స్, క్విటీ ఎంటర్‌టైన్మెంట్స్ పతాకాలపై రూపొందిన ఈ చిత్రం ట్రైలర్ ఇటీవల విడుదలైంది. ఈ చిత్రంలో తండ్రీ కొడుకులుగా రాజశేఖర్ అద్భుతమైన నటనను కనబరిచారని నిర్మాతలు చెప్పారు. సమకాలీన రాజకీయ నేపథ్య పరిస్థితులకు అద్దంపట్టే చిత్రమిదని, యదార్థ సంఘటనలను ప్రేరణగా తీసుకుని సహజత్వానికి దగ్గరగా దీనిని మలిచామని చెప్పారు. కాస్త వయసు మళ్లిన సూర్యనారాయణ అనే రైతు పాత్రలోనూ.. అలాగే ఆయన తనయుడు అర్జున పాత్రలోనూ రాజశేఖర్ ఒదిగిపోయారని అన్నారు. తండ్రీకొడుకుల మధ్యన వచ్చే భావోద్వేగ సన్నివేశాలు సినిమాకు హైలైట్‌గా నిలుస్తాయి వెల్లడించారు. Also Read: నిజానికి ఈ సినిమా ఇప్పటిది కాదు. 2011లో మొదలైన సినిమా. సి.కళ్యాణ్‌కు చెందిన సీకే ఎంటర్‌టైన్మెంట్స్ ప్రైవేట్ లిమిటెడ్, హ్యాపీ మూవీస్ బ్యానర్లపై ఈ సినిమాను నిర్మించారు. కారణాలేంటో తెలీదు కానీ తొమ్మిదేళ్లపాటు కొనసాగింది. ఈ చిత్రాన్ని కిందటేడాది మార్చి 15న విడుదల చేయాల్సిఉంది. ఎందుకో ఆగిపోయింది. ఇప్పుడు ఇదే సినిమాను నట్టి కరుణ్, నట్టి క్రాంతి కొనుగోలు చేసి విడుదల చేస్తున్నారు. ఇప్పుడు కూడా ఈ సినిమా వాయిదా పడింది. మరి మార్చి 13న అయినా విడుదల అవుతుందో లేదో చూడాలి.

from Telugu Movie News | Movie News in Telugu | Movie Gossips in Telugu https://ift.tt/3cA6YGl
v