గత కొంత కాలంగా రాజకీయాలతో బిజీగా ఉన్న పవర్ స్టార్ పవన్ కళ్యాణ్ ఇప్పుడు వరుసపెట్టి సినిమాలు చేయడానికి రెడీ అయిపోయారు. ఇటీవలే ‘పింక్’ రీమేక్ షూటింగ్ ప్రారంభమైన విషయం అందరికీ తెలిసిందే. ఆ సినిమాకు సంబంధించి పవన్ కళ్యాణ్ తొలిరోజు షూటింగ్లో పాల్గొన్న ఫొటోలు కూడా వైరల్ అయ్యాయి. ఇదిలా ఉంటే, పవన్ కళ్యాణ్ సినిమా అంటే మనకు మొదటిగా గుర్తొచ్చే మరో నటుడు కమెడియన్ ఆలీ. తన సినిమాలో ఆలీ ఉండాలనే సెంటిమెంట్ పవన్కు ఉంది. అందుకే, పవన్ కళ్యాణ్ హీరోగా వచ్చే ప్రతి సినిమాలో ఒక చిన్న పాత్రలోనైనా ఆలీ కనిపిస్తారు. అయితే, రాజకీయాల కారణంగా వీరిద్దరి మధ్య కాస్త దూరం పెరిగిన విషయం తెలిసిందే. ఎన్నికల సమయంలో ఆలీ వైఎస్సార్సీపీలో చేరారు. దీంతో ఆలీపై పవన్ కళ్యాణ్ కొన్ని విమర్శలు చేశారు. పవన్ మాటలకు ఆలీ కూడా నొచ్చుకున్నారు. Also Read: అయినప్పటికీ రాజకీయాల మూలంగా తమ స్నేహం చెడిపోదని ఆలీ అప్పట్లో స్పష్టం చేశారు. పవన్ కళ్యాణ్ అంటే తనకెప్పటికీ ఇష్టమేనన్నారు. ఆ నమ్మకంతోనే అనుకుంటా పవన్ తన స్నేహితుడికి ఫోన్ కాల్ చేశారు. రాజకీయాల మూలంగా తమ మధ్య పెరిగిన దూరాన్ని పక్కనబెట్టి ఆలీకి పవన్ కళ్యాణ్ ఫోన్ చేశారని, ‘పింక్’ రీమేక్ సినిమాలో నటించాలని స్వయంగా కోరారని ఇండస్ట్రీ వర్గాల ద్వారా తెలిసింది. అయితే, ఆలీ ఇంకా తన నిర్ణయాన్ని చెప్పలేదని అంటున్నారు. ఈ వార్తలో నిజమెంతో తెలీదు కానీ.. పవర్ స్టార్ తన అహాన్ని పక్కనబెట్టి ఆలీకి ఫోన్ చేశారనే విషయం ఆసక్తికరంగా మారింది. Also Read: కాగా, ‘పింక్’ తెలుగు రీమేక్కు ‘లాయర్ సాబ్’ అనే టైటిల్ను పరిశీలిస్తున్నారు. ఈ సినిమాలో పవన్ కళ్యాణ్ లాయర్ పాత్రలో కనిపించనున్నారు. అలాగే, ముగ్గురు హీరోయిన్లు ఈ సినిమాలో నటిస్తున్నారు. అంజలి, ‘మల్లేశం’ ఫేమ్ అనన్య, నివేదా థామస్ ముఖ్య పాత్రలు పోషిస్తున్నట్టు సమాచారం. ఈ సినిమాకి వేణు శ్రీరాం దర్శకత్వం వహిస్తుండగా.. దిల్ రాజు, బోనీ కపూర్ సంయుక్తంగా నిర్మిస్తున్నారు. ఈ చిత్రాన్ని వేసవి కానుకగా మే 23న విడుదల చేసేందుకు ప్లాన్ చేస్తున్నారు.
from Telugu Movie News | Movie News in Telugu | Movie Gossips in Telugu https://ift.tt/2Os3Im2
v
No comments:
Post a Comment