జనసేనాని, పవర్ స్టార్ పవన్ కళ్యాణ్ కొత్త లుక్లో కనిపించి అందరినీ ఆశ్చర్యపరిచారు. నిన్నమొన్నటి వరకు గుబురు గెడ్డంతో ఉన్న పవన్.. గురువారం జరిగిన రాయలసీమలోని పాణ్యం నియోజకవర్గ సమీక్ష సమావేశంలో క్లీన్ సేవ్తో కనిపించారు. మీస కట్టు కూడా అదిరిపోయింది. జుట్టు కూడా పొడవుగా ఉంది. ఈ కొత్త లుక్ క్రిష్ దర్శకత్వంలో తెరకెక్కబోతున్న సినిమా కోసం అని ఇండస్ట్రీ వర్గాల ద్వారా తెలిసింది. భారతదేశ చరిత్రలో మరుగున పడిపోయిన వీరుల గాథలు ఎన్నో ఉన్నాయి. పేదల కోసం రాజులను, దొరలను ఎదురించిన రాబిన్హుడ్స్ చాలా మందే ఉన్నారు. కానీ, వాళ్లలో ప్రపంచానికి తెలిసింది కొంతమందే. అలాంటి హిస్టారికల్ హీరోల కథలను సినిమాలుగా మలచడానికి ఈ మధ్య మేకర్స్ అమితాసక్తి చూపిస్తున్నారు. ఇలాంటి సినిమాలు ఇప్పటికే చాలా వచ్చాయి. అయితే, తెలంగాణకు చెందిన రాబిన్హుడ్ కథను పవన్ కళ్యాణ్ తెరపైకి తీసుకురాబోతున్నట్టు తెలిసింది. ఆ రాబిన్హుడ్ పండుగ సాయన్న. Also Read: మహబూబ్నగర్లో 150 ఏళ్ల క్రితం సాయన్నను ఆధిపత్య వర్గాల వాళ్లు బందిపోటుగా చిత్రించారు. సాయన్న ప్రజల కోసం నిలబడి ఆధిపత్య వర్గాలపై యుద్ధం చేశాడు. ఆకలితో అలమటించే ప్రజల కోసం సంపన్నుల ఇళ్లపై పడి గోదాములు పగులగొట్టి ధాన్యం బస్తాలు బైటకు తెచ్చి పంచిపెట్టాడు. సాయన్న సొంతంగా ఆయుధాలు తయారుచేసుకున్నాడు. ఒక దళాన్ని ఏర్పాటు చేసుకున్నాడు. సాయన్నకు ప్రజల్లో పెరుగుతున్న ఆదరణను చూసి భూస్వామ్య పక్షాలు తట్టుకోలేకపోయాయి. తప్పుడు కేసులతో జైల్లో పెట్టించారు. చివరికి నిజాం ప్రభుత్వ సాయంతో ఆయన్ని చంపించేశారు. ఇలాంటి ఓ యోధుడు కథను పవన్ కళ్యాణ్ లాంటి స్టార్ హీరో సినిమా ద్వారా ప్రజలకు తెలియజేయడమనేది నిజంగా గొప్ప విషయమే. క్రిష్ జాగర్లమూడి దర్శకత్వంలో తెరకెక్కనున్న ఈ సినిమా కోసం ప్రస్తుతం పవన్ సన్నద్ధం అవుతున్నారట. ఇందులో సాయన్న పాత్ర కోసమే ఆయన గెడ్డం తీసేసి అందంగా తయారయ్యారని సమాచారం. ఇది పవన్ కళ్యాణ్కు 27వ సినిమా. దీని తరవాత హరీష్ శంకర్ దర్శకత్వంలో మరో సినిమా చేయనున్నారు. ప్రస్తుతం ఆయన ‘పింక్’ రీమేక్లో నటిస్తున్నారు. దీనికి ‘వకీల్ సాబ్’ అనే టైటిల్ను పరిశీలిస్తున్నారు.
from Telugu Movie News | Movie News in Telugu | Movie Gossips in Telugu https://ift.tt/2SrJ4nh
v
No comments:
Post a Comment