స్టైలిష్ స్టార్ అల్లు అర్జున్కి తెలుగు రాష్ట్రాల్లోనే కాదు మలయాళంలోనూ బీభత్సమైన ఫ్యాన్ ఫాలోయింగ్ ఉంది. కేరళలో బన్నీ ఫ్యా్న్స్ అంతా ఆయన్ను మల్లు అర్జున్ అని పిలుచుకుంటారు. అలాంటిది మలయాళీ నటి అయిన షకీలాకు మాత్రం అల్లు అర్జున్ అంటే ఎవరో తెలీదట. ఆమె ప్రధాన పాత్రలో నటించిన సినిమా ‘షకీలా రాసిన మొదటి కుటుంబ కథా చిత్రం’. ఈ సినిమా ప్రమోషన్స్లో భాగంగా ఓ ఇంటర్వ్యూలో పాల్గొన్నారు. ఈ సందర్భంగా దక్షిణాది నటీనటుల గురించి మాట్లాడుతూ.. ‘నాకు మహేష్ బాబు తమ్ముడులాంటివాడు. మహేష్ సోదరి మంజులతో నాకు మంచి స్నేహం ఉంది. ‘నాని’, ‘నిజం’ సినిమాల్లో నేను నటించాను. అలా నాకు మహేష్తో పరిచయం ఏర్పడింది. కాబట్టి మహేష్ నాకు తమ్ముడులాంటివాడు. ఇక ఎన్టీఆర్ గురించి చెప్పాలంటే మంచి డ్యాన్సర్. అల్లు అర్జున్ గురించి మాత్రం నాకు తెలీదు. ఇక మోహన్లాల్ అయితే దేవుడు. చాలా గొప్ప మనిషి. మమ్ముట్టి గురించి మాత్రం నేను మాట్లాడాలని అనుకోవడంలేదు. ఆయన వల్ల నాకు చేదు అనుభవం ఎదురైంది. ఓ సినిమా షూటింగ్ సమయంలో మమ్ముట్టి ముస్లిం అని తెలిసింది. అప్పుడు నేను ఆయన వద్దకు వెళ్లి మీరు ముస్లిమా అని అడిగాను. దాంతో ఆయన చిరాకుపడ్డారు. నాకు కోపం వచ్చింది. అప్పుడు నిర్ణయించుకున్నా ఆయన కంటే పెద్ద పేరు తెచ్చుకోవాలని. అప్పటినుంచి ఇప్పటివరకు నేను మమ్ముట్టి గురించి ఎక్కడా మాట్లాడింది లేదు. నేను ఏం తప్పు మాట్లాడానని ఆయన నాపై చిరాకుపడ్డారు’’ అని తెలిపారు. READ ALSO: ఇక్కడి వరకు బాగానే ఉంది కానీ.. అల్లు అర్జున్ ఎవరో తెలీదు అనడం కాస్త చర్చనీయాంశంగా మారింది. బన్నీని దైవంగా భావించే మలయాళీలు కూడా ఉన్నప్పుడు ఓ మలయాళీ అయివుండి ఆయన ఎవరో కూడా తెలీదు అనడం ఫ్యాన్స్కు నచ్చలేదు. దాంతో షకీలాను ఏకిపారేస్తున్నారు. అదీకాకుండా మిగతా హీరోల ఫ్యాన్స్ పుండుపై కారం చల్లినట్లు వారిని రెచ్చగొడుతున్నారు. ‘మల్లు అర్జున్ అంటారు కదా. షకీలాను ఆయన ఎవరో కూడా తెలీదట’ అంటూ వెటకారంగా కామెంట్స్ చేస్తున్నారు. మరికొందరైతే.. తన సినిమాను ప్రమోట్ చేసుకోవడానికి కావాలనే అల్లు అర్జున్ ఎవరో తెలీదని చెప్పిందని కామెంట్స్ పెడుతున్నారు.
from Telugu Movie News | Movie News in Telugu | Movie Gossips in Telugu https://ift.tt/2H4Sjok
v
No comments:
Post a Comment