‘సవారి’ పబ్లిక్ రివ్యూ: నందు చంపేశాడు.. కానీ!

నటుడు, గాయని గీతా మాధురి భర్త నందు తెలుగు ప్రేక్షకులకు సుపరిచితమే. సుకుమార్ ‘100% లవ్’ సినిమాతో వెండితెరకు పరిచయమైన ఈ నటుడు ఆ తరవాత హీరోగానూ మారారు. సుమారు 9 సంవత్సరాలుగా ఇండస్ట్రీలో కొనసాగుతున్నా ఇంకా ఆయనకు సరైన గుర్తింపు రాలేదు. తానేంటో నిరూపించుకోవడానికి ప్రయత్నిస్తోన్న నందు ఓ వైపు హీరోగా.. మరోవైపు క్యారెక్టర్ ఆర్టిస్టుగా నటిస్తున్నారు. ఈ క్రమంలో ‘సవారి’ అనే సినిమాలో నందు హీరోగా నటించారు. నందు, ప్రియాంకా శర్మ జంటగా నటించిన ‘సవారి’ సినిమా ట్రైలర్‌తో అందరినీ ఆకర్షించింది. ట్రైలర్‌లో నందు డ్రాయర్‌తో కనిపించడం హాట్ టాపిక్‌గా మారింది. దీనికి తోడు ఈ సినిమాలో రాహుల్ సిప్లిగంజ్ పాడిన పాట కూడా బాగా పాపులర్ అయ్యింది. దీంతో సినిమాపై అంచనాలు ఏర్పడ్డాయి. చిత్ర యూనిట్ కూడా ఈ సినిమా విజయంపై పూర్తి కాన్ఫిడెంట్‌తో ఉంది. అయితే, శుక్రవారం విడుదలైన ఈ సినిమాకు ప్రేక్షకుల నుంచి మిశ్రమ స్పందన వస్తోంది. Also Read: సినిమాలో నందు అద్భుతంగా నటించారట. సినిమా మొత్తాన్ని తన భుజస్కందాలపై మోశారట. ఇక హీరోయిన్ ప్రియాంక శర్మ కూడా తన నటనతో ఆకట్టుకుందని అంటున్నారు. చాలా బాగా చేసిందని కొనియాడుతున్నారు. ఆ తరవాత శేఖర్ చంద్ర అందించిన పాటలు, నేపథ్య సంగీతం చాలా బాగున్నాయని అంటున్నారు. ఈ మూడు అంశాలు తప్ప సినిమాలో చెప్పుకోవడానికి ఏమీ లేదని పెదవి విరుస్తున్నారు. కథలో అస్సలు బలం లేదట. ఇలాంటి కథను నందు తానేంటో నిరూపించుకోవడానికి ఎలా అంగీకరించాడని కొంత మంది ప్రశ్నిస్తున్నారు. Also Read: నూతన దర్శకుడు సాహిత్ మోత్కూరి సినిమాను ఆసక్తికరంగా మలచడంలో పూర్తిగా విఫలమయ్యారని అంటున్నారు. ఫస్టాఫ్‌లో కామెడీ, లవ్ స్టోరీ బాగున్నా బాగా సాగదీసిన కథ, కథనం ప్రేక్షకుడికి విసుగు తెప్పిస్తాయని చాలా మంది అభిప్రాయం వ్యక్తం చేస్తున్నారు. కామెడీ కూడా అంత గొప్పగా ఏమీ లేదంటున్నారు. కామెడీని బలవంతంగా ప్రేక్షకులపై రుద్దే ప్రయత్నం చేశారట. సినిమా ఎమోషనల్‌గా కూడా అస్సలు కనెక్ట్ కాలేదని అంటున్నారు. నిర్మాణ విలువలు అయితే మరీ దారుణంగా ఉన్నాయంటున్నారు. కనీసం షార్ట్ ఫిల్మ్ స్టాండర్డ్స్ కూడా మెయింటైన్ చేయలేదట. సినిమా ఆఖరి 20 నిమిషాలు అయితే మరీ సాగదీతగా, బోరింగ్‌గా ఉందని కొంత మంది అంటున్నారు. మొత్తంగా చూసుకుంటే నందుకి మంచి మార్కులే పడినా సినిమాకు మాత్రం చాలా తక్కువ మార్కులే పడుతున్నాయి.

from Telugu Movie News | Movie News in Telugu | Movie Gossips in Telugu https://ift.tt/2SohO9q
v