‘రూలర్’ ఫస్ట్ వీకెండ్ కలెక్షన్: అక్కడ పబ్లిసిటీ డబ్బులు కూడా రాలేదు!!

నటసింహా నందమూరి బాలకృష్ణ హీరోగా వచ్చిన చిత్రం ‘రూలర్’. ఈ యాక్షన్ డ్రామాకు సీనియర్ డైరెక్టర్ కె.యస్.రవికుమార్ దర్శకత్వం వహించారు. ‘జైసింహా’ తరవాత కె.యస్.రవికుమార్, బాలకృష్ణ కాంబినేషన్‌లో వస్తోన్న సినిమా కావడంతో ‘రూలర్’పై నందమూరి అభిమానులు భారీ అంచనాలు పెట్టుకున్నారు. ఈ సినిమాలో బాలకృష్ణ ఫస్ట్ లుక్ చూసిన తరవాత సినీ ప్రేమికులు సైతం ఏదో కొత్తగా చూపించబోతున్నారని అనుకున్నారు. కానీ, సినిమా విడులయ్యాక ఆ అంచనాలన్నీ తలకిందులు అయిపోయాయి. భారీ అంచనాల నడుమ ఈనెల 20న విడుదలైన ‘రూలర్’ తీవ్రంగా నిరాశపరిచింది. నందమూరి అభిమానులకు కాస్తోకూస్తో నచ్చినా సగటు ప్రేక్షకుడు పెదవి విరిచాడు. సినీ విమర్శకులు సైతం చాలా తక్కువ రేటింగులు ఇచ్చారు. బాలయ్యకు ఉన్న ఫ్యాన్ ఫాలోయింగ్, మార్కెట్‌తో తొలిరోజు కలెక్షన్స్ బాగానే ఉన్నా రెండో రోజు నుంచి దారుణంగా పడిపోయాయి. యూఎస్‌లో అయితే మరీ అధ్వానంగా ఉన్నాయి కలెక్షన్స్. అక్కడ పబ్లిసిటీ, ప్రమోషన్స్ కోసం ఖర్చుచేసిన మొత్తం కూడా రికవర్ కాలేదని సమాచారం. Also Read: యూఎస్‌లో ప్రీమియర్స్, శుక్రవారం షోలు కలుపుకుని 23,100 డాలర్లు వసూలైంది. ఇక శనివారం 9,300 డాలర్లు వసూలు కాగా.. శనివారం 6,600 డాలర్లు మాత్రమే వచ్చాయి. మొత్తంగా ‘రూలర్’ మూడు రోజుల్లో 39,000 డాలర్లు రాబట్టగలిగింది. అంటే, మన కరెన్సీ ప్రకారం సుమారు రూ.27.78 లక్షలు. ఇక సోమవారం నుంచి మళ్లీ వర్కింగ్ డేస్ ప్రారంభమవుతాయి కాబట్టి వసూళ్లు మరింత పడిపోవడం ఖాయం. ఇక ప్రపంచ వ్యాప్తంగా మూడు రోజుల కలెక్షన్స్ చూసుకున్నా బాలకృష్ణ రేంజ్‌లో వసూలు కాలేదు. మూడు రోజుల్లో కేవలం రూ. 6.91 కోట్ల షేర్ మాత్రమే ‘రూలర్’ వసూలు చేసింది. నైజాంలో సైతం కలెక్షన్స్ చాలా చప్పగా ఉన్నాయి. అయితే, గుంటూరులో ఈ సినిమా మంచి వసూళ్లు రాబట్టింది. వాస్తవానికి ‘రూలర్’ వరల్డ్ వైడ్ థియేట్రికల్ రైట్స్‌ను రూ. 23.5 కోట్లకు విక్రయించినట్టు సమాచారం. ఈ లెక్కన చూసుకుంటే సుమారు 30 శాతం మాత్రమే రికవర్ అయ్యింది. ఇకపై కూడా కలెక్షన్స్ ఇలానే ఉంటే సినిమా డిజాస్టర్ కావడం ఖాయం. ‘రూలర్’ మూడు రోజుల షేర్ వివరాలు నైజాం - రూ. 1.28 కోట్లు సీడెడ్ - రూ. 1.68 కోట్లు నెల్లూరు - రూ. 30 లక్షలు కృష్ణా - రూ. 31 లక్షలు గుంటూరు - రూ. 1.34 కోట్లు వైజాగ్ - రూ. 48 లక్షలు తూర్పుగోదావరి - రూ. 37 లక్షలు పశ్చిమ గోదావరి - రూ. 35 లక్షలు మొత్తం ఏపీ & టీఎస్ షేర్ - రూ. 6.11 కోట్లు రెస్ట్ ఆఫ్ ఇండియా - రూ. 60 లక్షలు ఓవర్‌సీస్ - రూ. 20 లక్షలు ప్రపంచ వ్యాప్తంగా మొత్తం షేర్ - రూ. 6.91 కోట్లు

from Telugu Movie News | Movie News in Telugu | Movie Gossips in Telugu https://ift.tt/34LVwCt
v