సంక్రాంతి పండగ వచ్చిందంటే పెద్ద సినిమా హడావుడి మొదలైపోతుంది. టాలీవుడ్ స్టార్ హీరోలంతా ఈ పండుగనే టార్గెట్ చేస్తుంటారు. ఈసారి సూపర్ స్టార్ మహేష్ బాబు, స్టైలిష్ స్టార్ అల్లు అర్జున్ సంక్రాంతికి పోటీపడుతున్న సంగతి తెలిసిందే. మహేష్ బాబు హీరోగా వస్తోన్న ‘సరిలేరు నీకెవ్వరు’, అల్లు అర్జున్ ‘అల వైకుంఠపురములో’ సినిమాలను ఒకేరోజున అంటే జనవరి 12న విడుదల చేస్తున్నట్లు ఆయా చిత్ర యూనిట్లు ఇప్పటికే ప్రకటించాయి. దీనిపై బోలెడంత రచ్చ నడుస్తోంది. పెద్ద హీరోలిద్దరి సినిమాలు ఒకే రోజున వస్తే ఆ ప్రభావం ఓపెనింగ్స్ మీద పడుతుంది. దీని వల్ల రెండు చిత్రాల నిర్మాతలకు నష్టం రావడం తప్ప మిగిలేదీ ఏమీ ఉండదు. ఈ చిత్ర నిర్మాతలు కూడా ఇదే విషయంలో చర్చలు జరిపారు. టాలీవుడ్ నిర్మాతల సంఘంలో దీనిపై చర్చించారు. మొత్తానికి ఈ చర్చలు ఫలించాయి. ‘సరిలేరు నీకెవ్వరు’ చిత్రం విడుదల తేదీ మారింది. తొలుత అనుకున్నరోజు కంటే ఒక్కరోజు ముందుగా.. అంటే జనవరి 11న ఈ సినిమా విడుదలవుతోంది. ఇక ‘అల... వైకుంఠపురములో...’ యథాతథంగా జనవరి 12న థియేటర్లలోకి వస్తోంది. ఇదిలా ఉంటే, ‘సరిలేరు నీకెవ్వరు’లో మహేష్ బాబు సరసన రష్మిక మందన నటిస్తోంది. అనిల్ రావిపూడి దర్శకత్వం వహిస్తున్నారు. ఈ చిత్రం ద్వారా విజయశాంతి టాలీవుడ్లోకి రీఎంట్రీ ఇస్తున్నారు. ప్రొఫెసన్ భారతి పాత్రలో తన నట విశ్వరూపాన్ని మరోసారి తెలుగు ప్రేక్షకులకు చూపించనున్నారు. దేవీ శ్రీ ప్రసాద్ సంగీతం సమకూరుస్తున్న ఈ సినిమాను శ్రీ వెంకటేశ్వర క్రియేషన్స్ సమర్పణలో ఏకే ఎంటర్టైన్మెంట్స్, జీఎంబీ ఎంటర్టైన్మెంట్ బ్యానర్లపై అనిల్ సుంకర, మహేష్ బాబు నిర్మిస్తున్నారు. మరోవైపు.. ‘జులాయి’, ‘సన్నాఫ్ సత్యమూర్తి’ చిత్రాల తర్వాత అల్లు అర్జున్-త్రివిక్రమ్ కాంబినేషన్లో వస్తున్న మూడో చిత్రం ‘అల వైకుంఠపురములో’. ఈ సినిమాలో బన్నీకి జంటగా పూజా హెగ్డే నటిస్తున్నారు. టబు, నివేదా పేతురాజ్, రాజేంద్ర ప్రసాద్, జయరాం, సుశాంత్, వెన్నెల కిశోర్, సునీల్, నవదీప్, బ్రహ్మాజీ, మురళీ శర్మ, రాహుల్ రామకృష్ణ ఇలా భారీ తారాగణమే ఈ సినిమాలో ఉంది. ఈ సినిమాకు ఎస్.ఎస్.తమన్ సంగీతం సమకూరుస్తున్నారు.
from Telugu Movie News | Movie News in Telugu | Movie Gossips in Telugu https://ift.tt/2XCUu9R
v
No comments:
Post a Comment