ప్రముఖ నిర్మాత బన్నీ వాసుపై లైంగిక ఆరోపణలు చేస్తున్న జూనియర్ ఆర్టిస్ట్ సునీత బోయకు గీతా ఆర్ట్స్ సంస్థ వార్నింగ్ ఇచ్చింది. గత ఎన్నికల్లో జనసేన పార్టీకోసం పనిచేసిన తనకు సినిమాల్లో అవకాశాలు ఇప్పిస్తానన్నారని ఇప్పుడు మోసం చేశారంటూ నిరసనకు దిగింది సునీత. హైదరాబాద్ ఫిల్మ్ ఛాంబర్ వద్ద ఆమె గొలుసులతో బంధించుకుని హల్ చల్ చేసింది. దీనిపై తాజాగా గీతా ఆర్ట్స్ స్పందిస్తూ.. సోషల్ మీడియాలో ఓ పోస్ట్ పెట్టింది. ‘సినిమాలో అవకాశం కావాలంటూ మా ఆఫీస్ గేట్ వద్ద నిరసనకు దిగి మమ్మల్ని ఓ మహిళ ఇబ్బంది పెడుతున్నారు. కార్యాలయం వద్ద చాలా అసహ్యంగా ప్రవర్తించారు. దాంతో ఆమెను కట్టడి చేయడానికి పోలీసులు రంగంలోకి దిగాల్సి వచ్చింది. దాంతో మేం మాదాపూర్లో, జూబ్లీ హిల్స్లో పోలీసులకు ఫిర్యాదు చేశాం. తెలుగు ఫిలిం ఛాంబర్లోనూ ఈ విషయం గురించి సమాచారం అందించాం. మేం పడుతున్న ఈ ఇబ్బంది గురించి పలు మీడియా వర్గాలు తప్పుగా రాస్తున్నాయి. ఈ విషయంలో ఇంకేదన్నా క్లారిటీ కావాలంటే ఫిలిం ఛాంబర్నైనా సంప్రదించడం లేదంటే గీతా ఆర్ట్స్ పీఆర్ టీంను సంప్రదించండి’ అని పేర్కొన్నారు. బుధవారం నాడు రాత్రి అంతా ఫిల్మ్ ఛాంబర్లోనే తనను తాను నిర్భందించుకున్నారు. జనసేన పార్టీకి పనిచేస్తే.. గీతా ఆర్ట్స్లో అవకాశాలు ఇస్తామన్నారని.. ఇందుకోసం తన సొంత ఖర్చులతో జనసేన పార్టీకి పనిచేశానన్నారు. తీరా ఎన్నికలు ముగిసిన తరువాత గీతా ఆర్ట్స్కు చెందిన నిర్మాత బన్నీ వాసుని కలిస్తే.. ఆయన అసలు పట్టించుకోవడం లేదని వారి తీరుకు నిరసనగా తనను తాను బంధించుకున్నానన్నారు సునీత. దీనిపై గీతా ఆర్ట్స్, పవన్ కళ్యాణ్ స్పందించి తనకు న్యాయం చేయాలని కోరారు సునీత. అయితే దీనిపై ఫిల్మ్ ఛాంబర్ పెద్దలు జూబ్లీహిల్స్ పోలీసులకు ఫిర్యాదు చేశారు. దీంతో గురువారం తెల్లవారు జామున పోలీసులు ఫిల్మ్ ఛాంబర్ తలుపులను పగులగొట్టి.. ఆమెను అదుపులోకి తీసుకున్నారు. కాగా పబ్లిసిటీ కోసమే ఇలా చేస్తోందని గతంలో కూడా ఆమె ఇలాంటివి చేసిందంటూ పలువురు ఆమె ఆరోపణలను కొట్టిపరేస్తున్నారు.
from Telugu Movie News | Movie News in Telugu | Movie Gossips in Telugu https://ift.tt/2PMqWGM
v
No comments:
Post a Comment