నేటితరం బిగ్గెస్ట్ యాక్షన్ సూపర్ స్టార్స్గా అభిమానులతో పిలుపించుకుంటోన్న హృతిక్ రోషన్, టైగర్ ష్రాఫ్ ప్రధాన పాత్రల్లో నటించిన భారీ యాక్షన్ చిత్రం ‘వార్’. సిద్ధార్థ్ ఆనంద్ దర్శకత్వం వహిస్తున్నారు. యశ్ రాజ్ ఫిలింస్ బ్యానర్పై ఆదిత్య చోప్రా ఈ చిత్రాన్ని నిర్మిస్తున్నారు. విశాల్ - శేఖర్ సంగీతం సమకూరుస్తున్నారు. అక్టోబర్ 2న ఈ చిత్రం ప్రేక్షకుల ముందుకు వచ్చేందుకు సిద్ధమవుతోంది. ఇప్పటికే భారీ అంచనాలు ఏర్పరుచుకున్న ఈ చిత్రం హిందీతో పాటు తెలుగులోనూ విడుదలవుతోంది. ఇటీవల విడుదలైన ట్రైలర్ విశేషంగా ఆకట్టుకుంది. గురుశిష్యుల మధ్య జరిగే పోరే ఈ ‘వార్’. ఈ చిత్రంలో హృతిక్ రోషన్ నెగిటివ్ షేడ్ ఉన్న కబీర్ అనే పాత్రలో నటిస్తుండగా.. టైగర్ ష్రాఫ్ పోలీసు అధికారి ఖాలిద్గా కనిపించనున్నారు. కబీర్ను ఖాలిద్ పట్టుకునే క్రమంలో ఎదురైన పరిణామాలేంటి, అసలు ఈ సినిమా కథేంటి తెలియాలంటే అక్టోబర్ 2 వరకు ఆగాల్సిందే. కబీర్, ఖాలిద్ మధ్య ‘వార్’ ఎలా ఉండబోతోందో ట్రైలర్ సూచన ప్రాయంగా చెప్పారు. ఇక రిలీజ్ రోజు వెండితెర ఊగిపోవడం ఖాయం. Also Read: ఇదిలా ఉంటే, చిత్ర ప్రచారంలో భాగంగా ‘వార్’లోని తొలిపాటను గురువారం విడుదల చేశారు. ‘గుండెలో తూట్లు పడే’ అంటూ సాగే ఈ పాట చాలా బాగుంది. హిందీ పాటే అయినా తెలుగు సాహిత్యాన్ని బాగానే మ్యాచ్ చేయడానికి ప్రయత్నించారు. ఈ పాటను హృతిక్ రోషన్, వాణి కపూర్పై చిత్రీకరించారు. ఈ పాటలో వాణీ కపూర్ చాలా హాట్గా ఉంది. బీచ్లో అందాలు, విశాల్ - శేఖర్ ఫాస్ట్ బీట్ మిమ్మల్ని బాగా ఆకట్టుకుంటాయి. ఈ పాటను రాహుల్ వైద్య, అనుషా మణి ఆలపించారు. చైతన్య ప్రసాద్ తెలుగు సాహిత్యం అందించారు.
from Telugu Movie News | Movie News in Telugu | Movie Gossips in Telugu https://ift.tt/2ZCgA0w
v
No comments:
Post a Comment