టాలీవుడ్ ‘చందమామ’ కాజల్ అగర్వాల్ని సినిమాలో కథానాయికగా ఎంపిక చేసుకోవాలంటే ఎంతకాదన్నా నిర్మాతలు ఆమెకు కోటి రూపాయలు సమర్పించుకోవాల్సిందే. ఇక్కడ ఆమెకున్న డిమాండ్ అలాంటిది. టాలీవుడ్లో క్లిక్ అయినంతగా బాలీవుడ్లో ఆమె పేరు తెచ్చుకోలేకపోయారు. ఆమె బాలీవుడ్లో నటించిన తొలి సినిమా ‘సింగం’. ఈ సినిమా బాక్సాఫీస్ వద్ద ఫర్వాలేదనిపించింది. ఆ తర్వాత ‘దో లఫ్జోంకీ కహానీ’ అనే చిత్రంలో అంధురాలి పాత్రలో నటించారు. ఈ సినిమా మ్యూజిక్కు మంచి స్పందన వచ్చింది కానీ సినిమా అట్టర్ ఫ్లాపైంది. దాంతో ఇక ఆమె బాలీవుడ్ వైపు కన్నెత్తి కూడా చూడదని అనుకున్నారు అభిమానులు. కానీ ఇటీవల కాజల్ హిందీలో ఓ సినిమాకు సంతకం చేసింది. సినిమా పేరు ‘ముంబయి సాగా’. జాన్ అబ్రహం ఇందులో కథానాయకుడి పాత్రలో నటిస్తున్నారు. అయితే ఇందులో కాజల్ పాత్రకు పెద్దగా ప్రాధాన్యత లేదని తెలుస్తోంది. కొన్ని సన్నివేశాలు, ఓ పాటలో మాత్రమే ఆమె కనిపిస్తారట. ఇందుకోసం కాజల్ తీసుకున్న పారితోషికం రూ.30 లక్షలు. బాలీవుడ్లో ఆర్టిస్ట్లు తీసుకునే పారితోషికంతో సమానమది. దీనిని బట్టే అర్థమవుతోంది ఆమె బాలీవుడ్లో A లిస్ట్ నటి కాదు. దక్షిణాదిలో డిమాండ్ చేసినంతగా బాలీవుడ్లో డిమాండ్ చేయలేనని ఆమె క్యాస్టింగ్ బృందానికి తెలిపారట. కనీసం ఈ సినిమాతోనైనా బాలీవుడ్లో తన దశ మారుతుందని కాజల్ ఆశిస్తున్నారు. మిల్కీ బ్యూటీ తమన్నాది కూడా ఇదే పరిస్థితి. ‘హిమ్మత్వాలా’ అనే సినిమాలో తమన్నా అజయ్ దేవగణ్కు జోడీగా నటించారు. ఈ సినిమా ఫ్లాప్ కా బాప్గా నిలిచింది. ఆ తర్వాత ‘హమ్షకల్స్’ అనే సినిమాలో నటించారు. ఇందులో నటిస్తున్నప్పుడే సినిమా ఆడదని కొందరు నటీనటులు అనుకున్నారు. అనుకున్నట్లుగానే ఈ సినిమా ఒక్కసారి కూడా చూడలేనంతగా ఫ్లాప్ అయింది. దాంతో ఇక తాను హిందీ సినిమాల్లో నటించబోనని ఒకానొక సమయంలో తమన్నా మీడియాతో చెప్పారు. తనకు దక్షిణాదిలో ఇంత మంది అభిమానులు ఉన్నప్పుడు హిందీలో నటించాల్సిన అవసరం ఏంటని అన్నారు. కానీ ఆమె ప్రస్తుతం ‘ఖామోషి’ సినిమాలో నటించేందుకు ఒప్పుకున్నారు. అంతేకాదు నవాజుద్దిన్ సిద్దిఖికి జోడీగా ‘బోలే చూడియా’ సినిమాకు కూడా సంతకం చేశారు. అంటే తెలుగులో ఓ రేంజ్లో వెలుగుతున్న భామలకు బాలీవుడ్లో జీరో డిమాండ్ ఉందని అర్థమవుతోంది.
from Telugu Movie News | Movie News in Telugu | Movie Gossips in Telugu https://ift.tt/2zVGZai
v
No comments:
Post a Comment