పవర్ స్టార్ పవన్ కళ్యాణ్ ఫ్లాప్ మూవీ ‘అజ్ఞాతవాసి’ సినిమాపై ఓ ఫ్రెంచ్ డైరెక్టర్ అప్పట్లో తెగ రచ్చ చేసిన సంగతి తెలిసిందే. తన సూపర్ హిట్ ఫిల్మ్ ‘లార్గో వించ్’ను కాపీ కొట్టేసి ‘అజ్ఞాతవాసి’ తీశారంటూ దర్శకుడు జెరోమ్ సల్లే ట్విట్టర్ వేదికగా ఫైర్ అయ్యాడు. అప్పట్లో ఈ ట్వీట్ తెగ వైరల్ అయ్యింది. అప్పట్లో జెరోమ్పై పవన్ ఫ్యాన్స్ కూడా రివర్స్లో ఫైరయ్యారునుకోండి. ఇప్పుడు ఇదే డైరెక్టర్ ‘సాహో’ సినిమాపై పడ్డాడు. ‘సాహో’ సినిమా కూడా తన సినిమాకు కాపీయేనంటూ రీసెంట్గా జెరోమ్ ట్వీట్ చేశాడు. అంతటితో ఆగకుండా తెలుగు దర్శకులపై సెటైర్లు కూడా వేశాడు. ‘‘లార్గో వించ్ రెండో ఫ్రీమేక్ను మొదటిదాని కన్నా చెత్తగా తీశారని అర్థమవుతోంది. కాబట్టి, తెలుగు డైరెక్టర్లు విన్నపం.. మీరు నా పనిని చోరీ చేస్తేగనుక కనీసం దాన్ని సక్రమంగా చేయండి?’’ అంటూ జెరోమ్ ట్వీట్ చేశాడు. అయితే, జెరోమ్ ట్వీట్కు ఫ్యాన్స్తో పాటు తెలుగు ఆడియన్స్ కాస్త ఘాటుగానే స్పందిస్తున్నారు. తండ్రిని చంపిన వాళ్లపై కొడుకు పగ తీర్చుకునే స్టోరీ లైన్ ఎన్ని సినిమాల్లో లేదంటూ జెరోమ్ను ప్రశ్నిస్తున్నారు. ఆ కాన్సెప్ట్ నీ సినిమాలో ఉన్నంత మాత్రాన కాపీ కొట్టినట్టేనా అని మొట్టికాయలు పెడుతున్నారు. ఇక ప్రభాస్ డై హార్డ్ ఫ్యాన్స్ అయితే మొదట ‘సాహో’ సినిమా చూసి తరవాత మాట్లాడమని సలహా ఇస్తున్నారు. ‘సాహో’ సినిమా ముందు ‘లార్గో వించ్’ ఎందుకు పనికిరాదని తీసిపారేస్తున్నారు. Also Read: మొత్తానికి జెరోమ్ మరోసారి తెలుగు సినిమాలో వేలుపెట్టి చర్చకు దారితీశాడు. దీని వల్ల ఆయనకు కలిసొచ్చేది ఏమీలేదు కానీ, ‘సాహో’కి మరింత ప్రచారం దొరికినట్టయింది. అన్ని మీడియాల్లోనూ దీని గురించే చర్చ. ఇదిలా ఉంటే, ‘సాహో’ మొదటి మూడు రోజుల్లో ప్రపంచ వ్యాప్తంగా రూ.294 కోట్లకు పైగా గ్రాస్ వసూలు చేసింది. సోమవారం వినాయక చవితి సెలవు దినం కాబట్టి వసూళ్ల జోరు కొనసాగుతుందని ట్రేడ్ వర్గాల అంచనా. నాలుగు రోజుల్లో రూ.350 కోట్లు దాటడం ఖాయమంటున్నారు.
from Telugu Movie News | Movie News in Telugu | Movie Gossips in Telugu https://ift.tt/2PAWlfd
v
No comments:
Post a Comment