‘బాహుబలి’ చిత్రం తరువాత ఇంటర్నేషనల్ స్టార్గా మారిన ప్రభాస్కి మార్కెట్ ఓ రేంజ్లో ఉంది. ఆయన సినిమాలు వస్తున్నాయంటే వందల కోట్ల వ్యాపారాన్ని ఆశిస్తున్నారు నిర్మాతలు. అందుకు అనుగుణంగానే భారీ బడ్జెట్తో ప్రభాస్ చిత్రాలను రూపొందిస్తున్నారు. ఇక లాభాలతో పాటు పాత రికార్డుల్ని చెరిపేసి కొత్త రికార్డులు క్రియేట్ చేసేందుకు ‘సాహో’ ఆట ఇంకా మొదలు పెట్టకుండానే రికార్డుల వేట మొదలుపెట్టేసింది. బుకింగ్స్లో బాక్సాఫీస్ను షేక్ చేసేందుకు రికార్డ్ స్థాయిలో టికెట్లు హాట్ కేకుల్లా అమ్ముడవుతుండగా.. చాలా థియేటర్స్కి హౌస్ ఫుల్ బోర్డ్లు పడ్డాయి. ఇక తెలుగుతో పాటు తమిళ్, కన్నడ, మలయాళం, హిందీ భాషల్లో ప్యాన్ ఇండియా చిత్రంగా విడుదలవుతున్న ఈ చిత్రానికి తమిళ్లోనూ భారీ ఓపెనింగ్స్ రాబట్టేందుకు నిర్మాతలు ప్లాన్ చేస్తున్నారు. ఒక్క తమిళనాడులో ఈ చిత్రాన్ని550 స్క్రీన్స్లో భారీగా విడుదల చేస్తున్నారు. ‘బాహుబలి: ది కన్క్లూజన్’ ను తమిళనాడులో మొత్తం 525 స్క్రీన్లలో విడుదల చేయడం భారీ రిలీజ్ కాగా.. ఇప్పుడు ఆ రికార్డ్ను బ్రేక్ చేస్తూ ‘సాహో’ చిత్రాన్ని తమిళనాడులో 550 స్క్రీన్స్పై విడుదల చేస్తున్నారు. మొత్తంగా విడుదలకు ముందు తమిళ్లో రికార్డుల వేట మొదలుపెట్టిన ‘సాహో’ ఇంకెన్ని రికార్డుల్ని క్రియేట్ చేస్తుందో చూడాలి. కాగా ‘సాహో’ చిత్రం ఆగస్టు 30న ప్రపంచ వ్యాప్తంగా విడుదలక కానుండగా.. వారం ముందు నుండే ప్రభాస్ ఫ్యాన్స్ థియేటర్స్ వద్ద సందడి చేస్తున్నారు. భారీ కటౌట్స్తో థియేటర్స్ని అలంకరిస్తున్నారు. ఈ ప్రభాస్ సరసన బాలీవుడ్ భామ శ్రద్ధా కపూర్ హీరోయిన్గా నటించగా... సుజీత్ దర్శకత్వం వహించారు. బాలీవుడ్ స్టార్లు నీల్ నితిన్ ముఖేశ్, జాకీ ష్రాఫ్, చుంకి పాండే, మందిరా బేడి, మహేష్ మంజ్రేకర్తో పాటు తమిళ నటుడు అరుణ్ విజయ్, మలయాళ నటుడు లాల్ తదితరులు ఈ చిత్రంలో కీలక పాత్రలు పోషించారు.
from Telugu Movie News | Movie News in Telugu | Movie Gossips in Telugu https://ift.tt/2Zsk68N
v
No comments:
Post a Comment