అజయ్ దేవగణ్కు కార్లకు ప్రత్యేకమైన అనుబంధం ఉందనే చెప్పాలి. ఆయన నటించే సినిమాల్లో కార్ల ఛేజింగ్, కార్ల మధ్య డ్యూయెట్స్, రెండు కార్లపై రెండు కాళ్లపై నిలబడటం.. వంటి సన్నివేశాలు ఎక్కువగా ఉంటాయి. సినిమాల్లోనే కాదు ఆయన గ్యారేజ్లోనూ ఎన్నో కార్లు ఉన్నాయి. తాజాగా రోల్స్ రాయిస్ కల్లినన్ అనే స్పోర్ట్స్ యుటిలిటీ వెహికిల్ను కూడా కొనుగోలు చేశారు. దీని ధర అక్షరాలా రూ.6.90 కోట్లు. ఈ కారు ప్రస్తుతం భారత్లో కేవలం ఇద్దరు వ్యక్తుల దగ్గరే ఉంది. ఒకరు రిలయన్స్ ఇండస్ట్రీస్ అధినేత ముఖేష్ అంబానీ, మరొకరు టీ సిరస్ అధినేత భూషణ్ కుమార్. ఇప్పుడు అజయ్ దేవగణ్ కూడా ఈ జాబితాలో చేరిపోయారు. మరో విషయం ఏంటంటే.. బాలీవుడ్ దర్శక, నిర్మాత కరణ్ జోహార్ వ్యాఖ్యాతగా వ్యవహరించిన ‘కాఫీ విత్ కరణ్’ చాట్ షోలో అజయ్ తన భార్య కాజోల్తో కలిసి పాల్గొన్నారు. ఈ షోలో కరణ్ అడిగిన ప్రశ్నలకు అజయ్ చక్కటి సమాధానం ఇచ్చారు. ఆయన ఇచ్చిన సమాధానం మెచ్చి కరణ్ ఆడి ఎస్ 5 కారును బహూకరించారు. అజయ్ గ్యారేజ్లో ల్యాండ్ రోవర్ రేంజ్ రోవర్, బీఎండబ్ల్యూ 5 సిరీస్, మెర్సిడీజ్ బెంజ్ ఎస్ క్లాస్, మెర్సిడీజ్ బెంజ్ జీఎల్ క్లాస్, వోల్వో ఎక్స్ సీ 90, టొయోటా సెలికా కార్లు ఉన్నాయి. ప్రస్తుతం అజయ్.. దర్శకధీరుడు రాజమౌళి తెరకెక్కిస్తున్న ‘ఆర్ ఆర్ ఆర్’ సినిమాలో కీలక పాత్రను పోషిస్తున్నారు.
from Telugu Movie News | Movie News in Telugu | Movie Gossips in Telugu https://ift.tt/2zsG3Kw
v
No comments:
Post a Comment