‘గ్యాంగ్ లీడర్’ ఫస్ట్‌ లుక్: ఐదుగురు రివెంజర్స్‌కి ఒక్కడే లీడర్

నేచురల్ స్టార్ అభిమానులు ఎప్పుడెప్పుడా అని ఎదురుచూస్తోన్న సమయం వచ్చేసింది. తన గ్యాంగ్‌తో కలిసి నాని ఎంట్రీ ఇచ్చేశారు. తన గ్యాంగ్‌లో ఎవరెవరు ఉన్నారో రివీల్ చేసేశారు. వీటన్నిటికీ ఒకే సమాధానంగా ‘గ్యాంగ్ లీడర్’ ఫస్ట్ లుక్‌‌తో అభిమానుల ముందుకు వచ్చేశారు. నాని హీరోగా విక్రమ్ కె. కుమార్ దర్శకత్వంలో తెరకెక్కుతోన్న చిత్రం ‘గ్యాంగ్ లీడర్’. మైత్రీ మూవీ మేకర్స్ బ్యానర్‌పై నవీన్‌ ఎర్నేని, వై.రవిశంకర్‌, మోహన్‌ చెరుకూరి(సీవీఎం) నిర్మిస్తున్నారు. అనిరుధ్ రవిచందర్ సంగీతం సమకూరుస్తున్నారు. ఆగస్టు 30న ఈ చిత్రాన్ని విడుదల చేయడానికి సన్నాహాలు చేస్తున్నారు. కాగా, ఇప్పటికే చిత్ర ప్రీలుక్‌ను విడుదల చేసిన నిర్మాతలు తాజాగా ఫస్ట్‌లుక్ పోస్టర్‌ను విడుదల చేశారు. ఈ పోస్టర్‌ను నాని ట్విట్టర్ ద్వారా అభిమానులతో పంచుకున్నారు. బామ్మ, వరలక్ష్మి, ప్రియ, స్వాతి, చిన్ను.. వీళ్లే నాని గ్యాంగ్‌లో సభ్యులు. వీళ్లందరికీ నాని ‘గ్యాంగ్ లీడర్’. కాకపోతే ఈ ఐదుగురు ఆడవాళ్లు రివెంజర్స్. ఒకరంటే ఒకరికి పడదు. మరి ఇలాంటి గ్యాంగ్‌కు నాని లీడర్‌గా ఎన్ని బాధలు పడ్డారో!! ఫస్ట్ లుక్ పోస్టర్ అయితే అదిరిపోయింది. ఆడవాళ్లంతా బైనాక్యులర్స్‌తో ఏదో చూస్తున్నారు. నాని మాత్రం చేతిలో బైనాక్యులర్ పట్టుకుని తీక్షణంగా చూస్తున్నారు. ఇదిలా ఉంటే, ఈ చిత్రంలో ‘ఆర్ఎక్స్ 100’ ఫేమ్ కార్తికేయ ముఖ్య పాత్ర పోషిస్తున్నారు. ప్రియాంక, లక్ష్మి, శరణ్య, అనీష్‌ కురువిళ్లా, ప్రియదర్శి, రఘుబాబు, వెన్నెల కిశోర్‌, జైజా, సత్య తదితరులు నటిస్తున్నారు. కాగా, ‘గ్యాంగ్ లీడర్’ తొలి పాటను ఈనెల 18న, టీజర్‌ను 24న విడుదల చేయనున్నారు.

from Telugu Movie News | Movie News in Telugu | Movie Gossips in Telugu https://ift.tt/2LWY3UD
v