రెబల్ స్టార్ ప్రభాస్ ఫ్యాన్స్తో పాటు సినీ ప్రేమికులు ‘సాహో’ సినిమా కోసం ఆసక్తిగా ఎదురుచూస్తున్నారు. ‘బాహుబలి’ తరవాత ప్రభాస్ చేస్తున్న సినిమా కావడంతో అందరి దృష్టి దీనిపై మళ్లింది. ఇండియాలోనే అత్యంత భారీ బడ్జెట్తో హై స్టాండర్డ్స్, టెక్నాలజీతో తెరెకెక్కుతున్న ఈ చిత్రం అగష్టు 15న స్వాతంత్య్ర దినోత్సవం సందర్భంగా విడుదలవుతోంది. ఇదిలా ఉంటే, ఇటీవల వచ్చిన ‘సైకో సైయా’ పాటపై మిశ్రమ స్పందన వచ్చింది. కొంత మంది పాట చాలా బాగుందని అంటే, మరికొందరు తెలుగు ప్రాంతీయతకు తగినట్టుగా లేదని అన్నారు. ఈ విమర్శలు ఎలా ఉన్నా పాటకైతే మంచి బజ్ వచ్చింది. సోషల్ మీడియాలో అయితే ప్రభాస్ అభిమానులు ఈ పాట మీద టిక్టాక్లు, డబ్స్మాష్లు చేస్తున్నారు. ఈ సాంగ్ విడుదల కార్యక్రమాన్ని ఐదు నగరాల్లో నాలుగు భాషల్లో రెబల్స్టార్ అభిమానులకి స్పెషల్ స్క్రీనింగ్ చేయటంతో ఫ్యాన్స్కి పండగలా అనిపించింది. అదే రోజు హీరోయిన్ శ్రద్ధా కపూర్ తన సోషల్ మీడియా ప్లాట్ఫామ్లో ఈ సాంగ్కి సంబంధించి జిఫ్ ఫైల్ పోస్ట్ చేయటంతో అది బాగా వైరల్ అయ్యింది. ఈ పాటని ఇండోర్ సెట్లో చిత్రీకరించారు. అలాగే ఈ సినిమాలోని మరో రెండు పాటలను ఆస్ట్రియాలోని అందమైన లోకేషన్స్లో చిత్రీకరించారు. మరో పాటను క్రొయేషియా షూట్ చేశారు. ఈ పాటను 50 మంది మిస్ క్రొయేషియా మోడల్స్తో చిత్రీకరించారు. అలాగే, అబుదాబిలో షూట్ చేసిన యాక్షన్ సన్నివేశాలు ప్రేక్షకుల్ని ఆశ్చర్యంలో ముంచెత్తుతాయి. ఈ ప్రతిష్టాత్మక చిత్రాన్ని యూవీ క్రియేషన్స్ బ్యానర్పై వంశఈ, ప్రమోద్, విక్రమ్లు సంయుక్తంగా నిర్మిస్తున్నారు. ఈ చిత్రానికి జిబ్రాన్ అందిస్తోన్న బ్యాక్ గ్రౌండ్ స్కోర్ ప్రత్యేక ఆకర్షణగా నిలవనుంది. ప్రతి సీన్ని ఎలివేట్ చేసే విధంగా వరల్డ్ క్లాస్ క్వాలిటీ రీ రికార్డింగ్ను జిబ్రాన్ అందిస్తున్నారని చిత్ర యూనిట్ చెబుతోంది. కాగా, ఈ చిత్రంలో జాకీష్రాఫ్, నీల్ నితిన్ ముఖేష్, అరుణ్ విజయ్, లాల్, వెన్నెల కిషోర్, ప్రకాష్ బెల్వాది, ఎవిలిన్ శర్మ, చుంకి పాండే, మందిరా బేడి, మహేష్ మంజ్రేకర్, టిను ఆనంద్, శరత్ లోహితష్వా తదితరులు నటిస్తున్నారు.
from Telugu Movie News | Movie News in Telugu | Movie Gossips in Telugu https://ift.tt/30plWrZ
v
No comments:
Post a Comment