రామ్ చరణ్ ఇన్‌స్టాగ్రామ్.. ఒక్క పోస్ట్ కూడా పెట్టకముందే సంచలనం

ఇప్పుడు సినీ స్టార్స్‌కి ప్రత్యేకించి ప్రమోషన్ ప్లాట్‌ఫామ్స్ ఏమీ అవసరం లేదు. సోషల్ మీడియా యాక్టివ్ కావడంతో ఎవరి సినిమాను వాళ్లే ప్రమోట్ చేసుకుంటున్నారు. కావాల్సిందల్లా.. తమ తమ వ్యక్తిగత ఖాతా ఫాలోవర్స్‌ను అంతకంతకూ పెంచుకుంటూ పోవడమే. ఎంత మంది ఫాలోవర్స్ ఉంటే.. అన్ని లైక్‌లు అన్ని కామెంట్స్.. ఫ్రీ ప్రమోషన్. సోషల్ మీడియా పుణ్యాన సినిమా ప్రమోషన్ బాగా ఈజీ కావడంతో సెలబ్రిటీలు మొత్తం ట్విట్టర్, ఫేస్ బుక్, ఇన్‌స్టాగ్రామ్‌లే కాకుండా సొంతంగా యూట్యూబ్ ఛానల్స్‌ని కూడా ఓపెన్ చేస్తున్నారు. టాలీవుడ్, బాలీవుడ్, కోలీవుడ్, హాలీవుడ్ ఇలా ఏ ఉడ్ నుండి సెలబ్రిటీలను తీసుకున్నా.. సోషల్ మీడియా వ్యక్తిగత ఖాతాలు తప్పనిసరిగా ఉంటున్నాయి. అయితే టాలీవుడ్ స్టార్ హీరో తేజ్.. సోషల్ మీడియాకి కాస్త దూరం. అతని భార్య ఉపాసన ట్విట్టర్ ఖాతా నుండి అప్పుడప్పుడూ పర్శనల్ విషయాలు షేర్ చేసుకునే రామ్ చరణ్ తేజ్ తాజాగా ఇన్‌స్టాగ్రామ్‌ ఖాతా ఓపెన్ చేశారు. ఇప్పటి వరకూ ఫేస్ బుక్‌‌ని మాత్రమే వాడిన రామ్ చరణ్.. తాజాగా ఇన్‌స్టాగ్రామ్‌ ద్వారా అభిమానులతో ముచ్చటించేందుకు రంగం సిద్ధం చేసుకున్నారు. తాజాగా @alwaysramcharan ఐడీతో ఇన్‌స్టాగ్రామ్ ఖాతా ఓపెన్ చేసిన రామ్ చరణ్.. ఓ వీడియోను విడుదల చేశారు. ఇందులో స్మిమ్మింగ్ పూల్‌లో జలకాలాడుతున్న రామ్ చరణ్.. తాను కొత్తగా సోషల్ మీడియా ఫ్లాట్ ఫామ్‌ని స్టార్ట్ చేశానని.. శుక్రవారం (జూలై 12) నాడు తొలి పోస్ట్ చేయనున్నట్టు తెలిపారు రామ్ చరణ్. కాగా సోషల్ మీడియాలో వైరల్ అవుతోంది. అకౌంట్ ఓపెన్ చేసిన తొలి రెండు గంటల్లో యాభై వేలు.. ప్రస్తుతానికి రెండున్నర లక్షల మందికి పైగా రామ్ చరణ్ ఇ‌న్‌స్టాగ్రామ్‌ని ఫాలో అవుతున్నారు. ఇక్క పోస్ట్ కూడా పెట్టకుండానే లక్షల మంది ఫాలోవర్స్‌ని సంపాదించిన రామ్ చరణ్... శుక్రవారం నాటి పోస్ట్‌తో స్టార్ హీరోల సరసన చేరుతారేమో చూడాలి. సూపర్ స్టార్ మహేష్ బాబు 3.2 మిలియన్, అల్లు అర్జున్ 3.5 మిలియన్, ప్రభాస్ 2.2 మిలియన్ జూనియర్ ఎన్టీఆర్ 973k, ఫాలోవర్స్‌లో అగ్రస్థానంలో ఉన్నారు.

from Telugu Movie News | Movie News in Telugu | Movie Gossips in Telugu https://ift.tt/2G2vpxt
v