అందగాడు, చక్కగా మాట్లాడేవాడు మన హీరో ప్రభాస్. అయితే ఇంత మంచి అబ్బాయికి ఇంకా పెళ్లెందుకు కాలేదు? అని ప్రశ్నిస్తోంది బ్యూటీ పూజా హెగ్డే. వీరిద్దరూ జంటగా నటించిన ప్రేమ కథా చిత్రం ‘రాధే శ్యామ్’. మార్చి 11న సినిమా రిలీజ్ కానుంది. ఈ నేపథ్యంలో సినిమా నుంచి వేలంటైన్స్ డే స్పెషల్గా ఓ గ్లింప్స్ వీడియోను చిత్ర యూనిట్ విడుదల చేసింది. ఇందులో ప్రభాస్, మధ్య సినిమాలోని లవ్ ట్రాక్లోని కీలక సన్నివేశాలను చూపించారు. మళ్లీ లైఫ్లో వాడి మొహం చూడను అని పూజా హెగ్డే చెప్పడం.. ఆమెను ప్రభాస్ ప్లీజ్ అంటూ బతిమాలుకోవడం సన్నివేశాలను చూడొచ్చు. అలాగే హస్పిటల్లో పేషెంట్స్ ముందు పూజా హెగ్డేకు ప్రభాస్ ముద్దు పెడతానని ఛాలెంజ్ చేస్తాడని గ్లింప్స్లోని ఓ డైలాగ్ ద్వారా తెలుస్తుంది. గ్లింప్స్ చివరలో బాగా మాట్లాడే ఇంత మంచి అబ్బాయికి ఇంకా పెళ్లి ఎందుకు కాలేదు? అని పూజా హెగ్డే ప్రశ్నించడంతో ఏమని సమాధానం చెప్పాలో తెలియక ప్రభాస్ నీళ్లు నముతుండే సన్నివేశాన్ని చివరలో చూడొచ్చు. అంటే ఈ గ్లింప్స్ను బట్టి చూస్తే .. ప్రభాస్ తన పెళ్లిపై తనే డైలాగ్ వేసుకున్నారని అర్థమవుతుంది. సన్నివేశాలు చాలా ప్లెజంట్గా, కూల్గా అనిపిస్తున్నాయి. పీరియాడిక్ లవ్స్టోరిగా రాధే శ్యామ్ తెరకెక్కుతోంది. రెబల్ స్టార్ కృష్ణంరాజు గోపీ కృష్ణా మూవీస్ సమర్పణలో యువీ క్రియేషన్స్ బ్యానర్పై వంశీ, ప్రమోద, ప్రశీద ఈ చిత్రాన్ని నిర్మించారు. ఇందులో విక్రమాదిత్య అనే హస్తసాముద్రిక నిపుణుడి పాత్రలో ప్రభాస్.. టీచర్ ప్రేరణగా పూజా హెగ్డే కనిపించనున్నారు. భారీ బడ్జెట్తో రూపొందిన ఈ చిత్రం పాన్ ఇండియా మూవీగా విడుదలకు సిద్ధమవుతుంది. ప్రస్తుతం సినిమా నిర్మాణానంతర కార్యక్రమాలు శరవేగంగా జరుగుతున్నాయి.
from Telugu Movie News | Movie News in Telugu | Movie Gossips in Telugu https://ift.tt/lM9fq3A
v
No comments:
Post a Comment