లైఫ్ పార్టనర్ గురించి సత్యదేవ్ ఆరాటం.. నలుగురమ్మాయిలతో హీరో ప్రేమ పాఠాలు!

ప్రతి వ్యక్తి జీవితంలో జీవితంలో ప్రేమ.. పెళ్లికి చాలా ప్రాముఖ్యత ఉంటుంది. ఈ రెండింటికీ అవినాభావ సంబంధం ఉంది. ముఖ్యంగా ప్రేమ పెళ్లి చేసుకునే అబ్బాయి లేదా అమ్మాయిలో పెళ్లి త‌ర్వాత‌ త‌మ లైఫ్ పార్ట‌న‌ర్ పెళ్లి త‌ర్వాత ఎలా ఉంటారో అనే ఆందోళ‌న ఉంటుంది. అలాంటి తెలియ‌ని ఓ క‌న్‌ఫ్యూజ‌న్‌, ఎగ్జయిట్‌మెంట్‌కి లోన‌వుతున్నారు స‌త్య‌దేవ్‌. ఎందుకంటారా? త‌ను న‌లుగురు అమ్మాయిల‌తో ప్రేమ‌లో ప‌డ్డాడు. ఆ న‌లుగురు అమ్మాయిల్లో త‌న లైఫ్ పార్ట్‌న‌ర్ ఎవ‌రు? అని తెగ ఆరాట‌ప‌డుతున్నాడు మ‌రి. ఇంత‌కీ స‌త్య‌దేవ్ ప్రేమించిన న‌లుగు అమ్మాయిలు ఎవ‌రు? అంటే కోమ‌లి, అమ్ము, దివ్య‌, నిధి. ఈ న‌లుగురిలో స‌త్య‌దేవ్ ఎవ‌రిని లైఫ్ పార్ట్‌న‌ర్‌గా ఎంచుకోబోతున్నాడో తెలియాంటే ‘గుర్తుందా శీతాకాలం’ సినిమా చూడాల్సిందేన‌ని అంటున్నారు మేక‌ర్స్‌. వైవిధ్య‌మైన పాత్ర‌లు, సినిమాలు చేస్తూ యాక్ట‌ర్‌గా త‌న‌కంటూ ఓ గుర్తింపును సంపాదించుకున్న న‌టుడు స‌త్య‌దేవ్ న‌టించిన ఫుల్ లెంగ్త్ ల‌వ్ స్టోరి ‘గుర్తుందా శీతాకాలం’. వేలంటైన్స్ డే సందర్భంగా ఈ సినిమా నుంచి చిత్ర యూనిట్ ట్రైల‌ర్‌ను విడుద‌ల చేసింది. త‌మ‌న్నా భాటియా, మేఘా ఆకాశ్‌, కావ్యా శెట్టి హీరోయిన్స్‌. నాగ శేఖ‌ర్ ద‌ర్శ‌క‌త్వం వ‌హించిన ఈ సినిమాను ర‌వి, నాగ‌శేఖ‌ర్‌, రామారావు సంయుక్తంగా నిర్మిస్తున్నారు. తన లైఫ్‌లో శీతాకాలంకు చాలా ఇంపార్టెన్స్ ఉంద‌ని, త‌ను శీతాకాలంలోనే ప్రేమ‌లో ప‌డుతూ వ‌చ్చాన‌ని .. అందుక‌నే త‌న దృష్టిలో శీతాలానికి సీజ‌న్ ఆఫ్‌ మ్యాజిక్ అని భావించే కుర్రాడి పాత్ర‌లో స‌త్య‌దేవ్ క‌నిపించారు. హీరోయిన్స్‌తో స‌త్య‌దేవ్ డిఫ‌రెంట్ ఏజ్ గ్రూప్స్‌లో న‌డిపిన ల‌వ్ ట్రాక్స్‌.. చివ‌ర‌కు లైఫ్ పార్ట్‌న‌ర్ ఎవ‌ర‌నేది నిర్ణ‌యించుకోవ‌డ‌మే ‘గుర్తుందా శీతాకాలం’ సినిమా అని ట్రైలర్ చూస్తే అర్థమవుతుంది. త్వరలోనే మూవీ రిలీజ్ డేట్‌కు సంబంధించిన అధికారిక ప్ర‌క‌ట‌న వెలువ‌డ‌నుంది.

from Telugu Movie News | Movie News in Telugu | Movie Gossips in Telugu https://ift.tt/81fjkUJ
v