మెగాస్టార్ అంటే ఎలాంటి కథలు తయారు చేయాలా..? అనేట్టుగా మారిపోయింది ఇప్పుడు పరిస్థితి. ఎందుకంటే, ఆయన కెరీర్లో 150 సినిమాల మైలురాయిని దాటిపోయారు. ఇప్పుడు మెగా 152, మెగా 153, మెగా 154 అంటూ ఆయన ఫ్యూచర్ ప్రాజెక్ట్స్ అన్నీ లైన్లో ఉన్నాయి. ఈ నేపథ్యంలో చిరు ఇప్పటికే దాదాపు అన్నీ రకాల కథల్లో నటించారు. అందుకే, ఆయన కోసం ఎలాంటి కథ తయారు చేస్తే మెగా అభిమానులను, ప్రేక్షకులను మెప్పించగలమూ..? అని దర్శక, రచయితలు కసిగా ఆలోచిస్తున్నారు. ప్రస్తుతం మెగాస్టార్ కోసం యువ దర్శకులే ఎక్కువగా ఆసక్తి చూపిస్తున్నారు. చిరు కూడా యంగ్ డైరెక్టర్స్లో ఉండే ఉత్సాహం వేరే లెవల్.. అనేట్టుగా కథ నచ్చితే చక చకా వారికే ఛాన్స్ ఇస్తున్నారు. గతంలో మెగాస్టార్ - బి.గోపాల్ కాంబినేషన్లో ఇంద్ర అనే సినిమా వచ్చి ఇండస్ట్రీ రికార్డ్స్ అన్నీ బద్దలు కొట్టింది. ఫ్యాక్షన్ బ్యాక్డ్రాప్లో వచ్చిన ఇందులో చిరు రెండు విభిన్నమైన పాత్రల్లో నటించారు. పవర్ ఫుల్ స్టోరీతో రూపొందిన ఇంద్ర మెగాస్టార్ కెరీర్లోనే ఓ మైల్ స్టోన్ మూవీగా నిలిచింది. మళ్ళీ అలాంటి కథలో చిరు నటించే అవకాశం గానీ, ఆ తరహా పాత్రలో ఆయనను చూపించాలనే ఆసక్తి గాని దర్శకులు చూపలేదు. అయితే, ఇపుడు ఓ యంగ్ డైరెక్టర్ చిరు కోసం సీమకథను తయారు చేసినట్టు తాజాగా వార్త ఒకటి నెట్టింట చక్కర్లు కొడుతోంది. ఇటీవల కొరటాల శివతో ఆచార్య, మోహన్ రాజాతో గాడ్ ఫాదర్, మెహర్ రమేశ్ దర్శకత్వంలో భోళా శంకర్, బాబీ దర్శకత్వంలో ఓ మాస్ ఎంటర్టైనర్ కమిటయిన మెగాస్టార్ ఛలో, భీష్మ చిత్రాలతో సూపర్ హిట్స్ అందుకున్న వెంకీ కుడుములకు గ్రీన్ సిగ్నల్ ఇచ్చారు. అగ్ర నిర్మాత డీవీవీ దానయ్య ఈ సినిమాను భారీ బడ్జెట్తో నిర్మించబోతుండగా..రాయలసీమ నేపథ్యంగా చిత్ర కథ సాగుతుందని సమాచారం. నాలుగు విభిన్నమైన పక్కా మాస్ మసాలా చిత్రాలు కమిటయిన చిరు, వెంకీతో చేయబోయేది మాత్రం ఫ్యాక్షన్ స్టోరీ అని తెలుస్తోంది. సోషల్ మీడియాలో చక్కర్లు కొడుతున్న ఈ న్యూస్ మెగా అభిమానులకు మంచి ఉత్సాహాన్నీ ఇస్తోంది. మరి ఇది ఎంతవరకు నిజమో..దీనికి సంబంధించిన అఫీషియల్ కన్ఫర్మేషన్ ఎప్పుడు వస్తుందో చూడాలి.
from Telugu Movie News | Movie News in Telugu | Movie Gossips in Telugu https://ift.tt/hspJIFK
v
No comments:
Post a Comment