RRRకు అమెజాన్ అదిరే భారీ ఆఫర్.. !

యంగ్ టైగర్ ఎన్టీఆర్‌, మెగా ప‌వ‌ర్ స్టార్ రామ్ చ‌ర‌ణ్ హీరోలుగా రూపొందిన చిత్రం RRR. ద‌ర్శ‌క ధీరుడు రాజ‌మౌళి దీన్ని డైరెక్ట్ చేశారు. కరోనా కార‌ణంగా జ‌న‌వ‌రి 7న విడుద‌ల కావాల్సిన ఈ సినిమా వాయిదా ప‌డింది. త‌దుప‌రి సినిమా ఏప్రిల్ 1 లేదా 29న విడుద‌లయ్యే అవకాశం ఉందని సినీ వ‌ర్గాల స‌మాచారం. క‌రోనా ప్ర‌భావంతో సినిమా వాయిదా ప‌డ‌టంతో ఫ్యాన్స్‌, సినీ ప్రియులు చాలా నిరాశ ప‌డ్డార‌న‌డంలో సందేహ‌మే లేదు. ఈ నేప‌థ్యంలో గురించి నెట్టింట ప‌లు ఆస‌క్తిక‌ర‌మైన క‌థ‌నాలు వినిపిస్తున్నాయి. RRRకి ఉన్న క్రేజ్ దృష్ట్యా ప్ర‌ముఖ ఓటీటీ సంస్థ ప్రైమ్ మేక‌ర్స్‌కు అమేజింగ్ ఆఫ‌ర్‌ను ఇచ్చింది. అస‌లు అమెజాన్ RRR ద‌ర్శ‌క నిర్మాత‌ల‌కు ఇచ్చిన ఆఫ‌ర్ ఏంట‌నే వివ‌రాల్లోకి వెళితే.. రూ.30 కోట్ల‌కు పైగా బ‌డ్జెట్‌తో రూపొందిన చిత్రాల‌ను అమెజాన్ కొనుగోలు చేస్తుంది. పే ఫ‌ర్ వాచ్ ప‌ద్ధ‌తిలో విడుద‌ల చేస్తుంది. యు.ఎస్ ఇప్ప‌టి వ‌ర‌కు కొన్ని చిత్రాల‌ను అమెజాన్ ఈ ప‌ద్ధ‌తిలో విడుద‌ల చేస్తూ వ‌స్తుంది. ఒక‌రోజులో ఎంత మంది డ‌బ్బులు పే చేసి చూస్తారో అంత డ‌బ్బులు వ‌స్తాయి. ఆ లెక్క‌లో వేస్తే దాదాపు రూ.200 కోట్ల‌కు పైగానే మేక‌ర్స్‌కు లాభాలు వ‌స్తాయ‌ని అమెజాన్ నిర్వాహ‌కులు RRR మేక‌ర్స్‌కు చెప్పార‌ట‌. అయితే అందుకు వారు ఒప్పుకోలేద‌ట‌. ఇలాగైతే సినిమాకు పెట్టిన ఖ‌ర్చు రాద‌నేది మేక‌ర్స్ అభిప్రాయంగా చెబుతున్నారు. RRR కోసం రూ.400 కోట్ల‌కు పైగానే ఖ‌ర్చు పెట్టిన‌ట్లు నిర్మాత‌లు చెబుతున్నారు. ఇలాంటి ప‌రిస్థితుల్లో పూర్తి స్థాయిలో థియేట‌ర్స్ ఓపెన్ అయిన‌ప్పుడు సినిమాను విడుద‌ల చేస్తేనే వ‌ర్క‌వుట్ అవుతుంద‌నేది వారి న‌మ్మ‌కంగా క‌నిపిస్తోంది. సినిమా థియేట‌ర్స్‌లో విడుద‌లైతే అమెజాన్ ఆఫ‌ర్ చేసిన డ‌బ్బులు ఓ రోజులోనే వ‌చ్చేస్తాయి. అలాంటప్పుడు మేక‌ర్స్ ఇలాంటి డీల్‌కు ఎందుకు ఒప్పుకుంటారు. కాబ‌ట్టి సింపుల్‌గా నో చెప్పేశార‌ని స‌మాచారం. RRR సినిమా విష‌యానికి వ‌స్తే.. ఎప్పుడో జూలై 30, 2020లో విడుద‌ల కావాల్సిన ఈ సినిమా వాయిదాల మీద వాయిదాలు ప‌డుతూ వ‌స్తుంది. రీసెంట్‌గా ఈ ఏడాది సంక్రాంతి కానుక‌గా RRRను జ‌న‌వ‌రి 7న విడుద‌ల చేయాల‌ని అనుకున్నా, మ‌ళ్లీ కోవిడ్ ఎఫెక్ట్ కార‌ణంగా వాయిదా వేశారు. ఇందులో గొండు వీరుడు కొమురం భీమ్‌గా ఎన్టీఆర్‌, మ‌న్యం వీరుడు అల్లూరి సీతారామ‌రాజుగా రామ్ చ‌ర‌ణ్ న‌టించారు. ఇంకా బాలీవుడ్ స్టార్స్ అజ‌య్ దేవ‌గ‌ణ్, ఆలియా భ‌ట్‌.. హాలీవుడ్ స్టార్స్ రే స్టీవెన్ స‌న్‌, అలిస‌న్ డూడి, ఒలివియా మోరిస్ వంటి వారు కూడా న‌టించారు. 1920 బ్యాక్‌డ్రాప్‌లో ఇండియా సాగే ఫిక్ష‌న‌ల్ పీరియాడిక‌ల్ మూవీ ఇది.

from Telugu Movie News | Movie News in Telugu | Movie Gossips in Telugu https://ift.tt/3f1rnXz
v