సీనియర్ యాక్టర్, సహజ నటి జయసుధ గురించి తెలుగు సినీ ప్రేక్షకులకు ప్రత్యేకమైన పరిచయం అక్కర్లేదు. ఎన్టీఆర్, ఎ.ఎన్.ఆర్, కృష్ణ, కృష్ణంరాజు , చిరంజీవి, మోహన్ బాబు .. ఇలా అందరితో నటించి తనదైన గుర్తింపు తెచ్చుకున్న ఈమె నిర్మాతగా కూడా మారారు. అయితే సినీ నిర్మాణ రంగంలో ఆమెకు పెద్దగా కలిసి రాలేదు. ఆమె చేసిన సినిమాలు ఆశించిన స్థాయిలో విజయవంతం కాలేదు. తను నిర్మాతగా ఎందుకు సక్సెస్ కాలేకపోయాను అనే విషయాన్ని ఓ ఇంటర్వ్యూలో ఆమె తెలియజేశారు. అందులో ముఖ్యంగా హ్యాండ్సప్ సినిమా గురించి చెప్పారు. ఆ సినిమాలో మెగాస్టార్ ఓ కీలక పాత్రలో నటించారు. అసలు జయసుధ ఇంతకీ హ్యాండ్సప్ మూవీ, చిరంజీవి గురించి ఏం చెప్పారో చూద్దాం.. ‘‘నిర్మాతగా మారి చేసిన తొలి చిత్రం ‘ఆత్మ బంధువులు’. నేను, నాగేశ్వరరావుగారు నటిస్తే.. దాసరి నారాయణరావుగారు డైరెక్ట్ చేశారు. ఆ సినిమా మంచి విజయాన్ని సాధించింది. తర్వాత ‘కాంచన సీత’ సినిమా చేశాం. అందులో రఘు వరన్ను పరిచయం చేశాం. దాన్ని కూడా దాసరిగారే డైరెక్ట్ చేశారు. తర్వాత హిందీలో సినిమా చేద్దామనుకున్నాం. ‘మేరా పతి సిర్ఫ్ మేరా హై’ అని జితేంద్రగారితో చేశాం. రేఖ, రాధికగారు హీరోయిన్స్గా నటించారు. ఈ సినిమా నిర్మాతలుగా కాస్త నష్టాలను మిగిల్చింది. తర్వాత వింత కోడలు సినిమా చేశాం. పూర్తిగా నష్టాలనే మిగిల్చాయి. తర్వాత అదృష్టం అనే సినిమాను హాలీవుడ్ మూవీని బేస్ చేసుకుని చేశాం. కానీ అప్పటి ఆడియెన్స్ ఆలోచనలకు మా సినిమా ఐడియా కనెక్ట్ కాలేదు. సినిమా ప్లాప్ అయ్యింది. అలా కొంచెం కొంచెం నష్టపోతూ వచ్చాం. చివరగా ‘హ్యాండ్సప్’ సినిమా చేశాం. అందులో చిరంజీవిగారు ఓ చిన్న క్యారెక్టర్ చేశారు. సినిమా రిలీజ్ అయ్యే వరకు అందులో ఆయన ఉన్నారని ఎవరికీ తెలియలేదు. ఆయన పోస్టర్ వేసినా ఓపెనింగ్స్ వచ్చేవి ఏమో. పోస్టర్ వేద్దామంటే ఆయన వద్దన్నారు. ఎందుకంటే అప్పటి వరకు మన తెలుగు సినిమాల్లో స్టార్స్ స్పెషల్ అప్పియరెన్స్ టచ్ లేదు. ఒకవేళ పోస్టర్ వేసి పెద్ద క్యారెక్టర్ ఉంటుందనుకుని ఆడియెన్స్ వస్తారు. మా హీరో చిన్న రోల్లో చేశాడని ఫీల్ అవుతారని భావించి చిరంజీవిగారు వద్దు. వచ్చిన తర్వాత ఆడియెన్స్కి సర్ప్రైజ్ ఉంటుందని అనుకునన్నారు. కానీ.. ఆయన ఆలోచన రివర్స్ కొట్టింది. సినిమాకు ఓపెనింగ్స్ లేవు. దాంతో ‘హ్యాండ్సప్’ సినిమాకు నిర్మాతలుగా ఇంకా నష్టపోయాం’’ అని అన్నారు.
from Telugu Movie News | Movie News in Telugu | Movie Gossips in Telugu https://ift.tt/3qLomB8
v
No comments:
Post a Comment