ఆ ముగ్గురి కారణంగా కుటుంబమంతా బాధపడ్డాం.. ఎమోషనల్ అయిన జబర్దస్త్ వర్ష

బుల్లితెరపై చాలా తక్కువ సమయంలోనే ఫుల్ పాపులారిటీతో పాటు సూపర్ ఫాలోయింగ్ కూడగట్టుకుంది . మోడల్‌గా కెరీర్‌ ఆరంభించి ఆ తర్వాత బుల్లితెరపైకి వచ్చి పలు సీరియల్స్ చేసింది. అయితే సీరియల్స్ ద్వారా పెద్దగా గుర్తింపు తెచ్చుకోని ఆమె, జబర్దస్త్ లోకి ఎంట్రీ ఇచ్చాక తనదైన మార్క్ చూపించింది. ఇమ్మానుయేల్ కాంబినేషన్‌గా వర్షకు మంచి గుర్తింపు లభించింది. చేతి నిండా షోలతో ప్రస్తుతం బిజీగా ఉన్న వర్ష.. తాజాగా తన సోషల్ మీడియా ఖాతాలో ఓ ఫొటో షేర్ చేస్తూ ఎమోషనల్ కామెంట్స్ చేసింది. కెరీర్ పరంగా ఫుల్ బిజీగా ఉన్నా కూడా సోషల్ మీడియాలో ఎప్పటికప్పుడు అభిమానులతో టచ్‌లో ఉంటుంది ఈ జబర్ధస్త్ బ్యూటీ. తన లేటెస్ట్ ఫోటోషూట్స్ పోస్ట్ చేస్తూ అందరినీ అట్రాక్ట్ చేస్తుంటుంది. అయితే ఈ సారి మాత్రం ఓ చేదు ఘటన గురించి చెబుతూ తన బాధను అందరితో పంచుకుంది. వర్ష సోదరుడు రోడ్డు ప్రమాదానికి గురయ్యాడు. ఈ విషయాన్ని స్వయంగా వెల్లడించిన వర్ష.. హాస్పిటల్ బెడ్‌పై రక్తం కారుతూ తన సోదరుడు తీసుకుంటున్న ట్రీట్‌మెంట్ ఫొటోలను ఇన్‌స్టాలో షేర్ చేసింది. అయితే ఈ ఫొటోస్ షేర్ చేస్తూ.. డ్రైవింగ్ చేసేటపుడు చాలా జాగ్రత్తగా ఉండాలని అందరినీ రిక్వెస్ట్ చేసింది. ఓ ముగ్గురు వ్యక్తులు నిర్లక్ష్యంగా డ్రైవ్ చేయడం వల్ల తన బ్రదర్‌కి యాక్సిడెంట్ అయి హాస్పిటల్‌లో డేంజర్ పరిస్థితుల్లో ఉన్నాడని, దాంతో ఫ్యామిలీ అంతా చాలా బాధపడ్డామని చెప్పింది. అందుకే డ్రైవ్ చేసేటప్పుడు కేర్ ఫుల్‌గా ఉంటే ఏ ఫ్యామిలీ కూడా బాధ పడకుండా ఉండొచ్చని పేర్కొంది. అయితే ప్రస్తుతం తన సోదరుడి పరిస్థితి బాగానే ఉందని చివరగా వెల్లడించింది వర్ష. ప్రస్తుతం జబర్ధస్త్‌తో పాటు పలు స్పెషల్ ఈవెంట్లలోనూ సందడి చేస్తోంది వర్ష. 'శ్రీదేవీ డ్రామా కంపెనీ' షోలోనూ కూడా భాగమవుతూ అప్పుడప్పుడు స్పెషల్ ఈవెంట్స్‌లో తళుక్కున మెరుస్తోంది. కామెడీ చేయడమే కాదు అందాలతో అట్రాక్ట్ చేస్తూ తన డాన్సింగ్ టాలెంట్ కూడా బయటపెడుతోంది ఈ జబర్దస్త్ బ్యూటీ.

from Telugu Movie News | Movie News in Telugu | Movie Gossips in Telugu https://ift.tt/35bpohv
v