గత కొన్ని రోజులుగా ఆంధ్రప్రదేశ్ రాష్ట్రంలో సినిమా టికెట్స్ ఇష్యూ చర్చనీయాంశంగా మారిన సంగతి తెలిసిందే. టికెట్ల రేట్లు తగ్గిస్తూ ప్రభుత్వం తీసుకున్న నిర్ణయాన్ని పలువురు సినీ ప్రముఖులు తప్పుబడుతున్నారు. రామ్ గోపాల్ వర్మ అయితే ట్వీట్ల యుద్దం చేస్తూ ప్రభుత్వ తీరుపై విరుచుకుపడుతున్నారు. ఈ నేపథ్యంలో తాజాగా ఇదే ఇష్యూపై రియాక్ట్ అయిన తీరు హాట్ టాపిక్ అయింది. అఖండ సంక్రాంతి సంబరాలు పేరుతో సక్సెస్ మీట్ నిర్వహించగా.. ఈ వేదికపై అఖండ సక్సెస్ గురించి మాట్లాడుతూ ప్రేక్షకులకు ప్రత్యేక కృతజ్ఞతలు చెప్పారు బాలకృష్ణ. అదేవిధంగా సినీ ఇండస్ట్రీలో తాజాగా చోటు చేసుకుంటున్న పరిస్థితులపై స్పందిస్తూ ఏపీలో సినిమా టికెట్ల వ్యవహారంపై ఇండస్ట్రీ అంతా కలిసికట్టుగా పోరాడాలని పిలుపునిచ్చారు. రెండు తెలుగు రాష్టాల ప్రభుత్వాలు సినిమా రంగానికి సహకరించాలని కోరారు. సినిమా టికెట్ల ధరపై ఏపీ ప్రభుత్వం ఎలాంటి నిర్ణయం తీసుకున్నా తాను కట్టుబడి ఉంటానని చెప్పిన బాలయ్య బాబు.. ఇండస్ట్రీలో చిన్న సినిమా, పెద్ద సినిమా అని తేడా లేదని అన్నారు. పెద్ద సినిమా ప్లాప్ అయితే చిన్న సినిమా అవుతుంది, అలాగే చిన్న సినిమా హిట్ అయితే పెద్ద సినిమా అవుతుందని బాలకృష్ణ తెలిపారు. అందరం కలిసి చర్చించి ప్రభుత్వానికి ప్రతిపాదనలు అందిద్దామని అన్నారు. ఏ ఒక్కరి అభిప్రాయం సరికాదని, అందరం కలిసి ఓ నిర్ణయానికి వద్దామని అన్నారు. తెలుగు సినిమా పరిశ్రమ మూడు పువ్వులు ఆరు కాయలుగా వర్ధిల్లాలని ఆయన కోరుకున్నారు. సినీ ఇండస్ట్రీపై ఆధారపడి లక్షలాది మంది జీవిస్తున్నారని, కాబట్టి ప్రభుత్వాలు సహకరించాలని అన్నారు. అఖండ గ్రాండ్ సక్సెస్ పట్ల చిత్రయూనిట్ మొత్తానికి ధన్యవాదాలు చెబుతూ ఆనందం వ్యక్తం చేశారు బాలకృష్ణ.
from Telugu Movie News | Movie News in Telugu | Movie Gossips in Telugu https://ift.tt/3K1gGSZ
v
No comments:
Post a Comment