పుష్ప 23 డేస్ కలెక్షన్స్.. ఓటీటీలో విడుదలయ్యాక థియేటర్ రన్ ఎలా ఉందంటే!

ఐకాన్ స్టార్ హీరోగా సుకుమార్ దర్శకత్వంలో రూపొందిన పాన్ ఇండియా మూవీ 'పుష్ప'. రెండు భాగాలుగా ప్రేక్షకుల ముందుకు రాబోతున్న ఈ సినిమా తొలి భాగం ఇటీవలే విడుదలై నిర్మాతలకు లాభాల పంట పండించింది. వెండితెరపై అల్లు అర్జున్- రష్మిక మందన జోడీ అబ్బురపరిచింది. ప్రపంచ వ్యాప్తంగా విడుదలైన అన్ని ఏరియాల్లోనూ సూపర్ రెస్పాన్స్ తెచ్చుకున్న ఈ చిత్రాన్ని విడుదలై నెల రోజులు తిరగకుండానే ఓటీటీలో రిలీజ్ చేశారు. పుష్ప సినిమాకు ఉన్న క్రేజ్ దృష్ట్యా భారీ ధర చెప్పింది ఈ సినిమా హక్కులు తీసుకుంది అమెజాన్ ప్రైమ్. హిందీ మినహా తెలుగు, తమిళం, మలయాళం, కన్నడ భాషల్లో పుష్ప మూవీ స్ట్రీమింగ్ అవుతోంది. అయినప్పటికీ థియేటర్స్ వద్ద పుష్పరాజ్ జోరుకు బ్రేకులు పడకపోవడం విశేషం. ఈ సినిమాకు 23వ రోజు (శనివారం) అన్ని భాషల్లో కలిపి దాదాపు 1.42 కోట్లు కలెక్ట్ అయ్యాయి. ఎర్ర చందనం స్మగ్లింగ్ నేపథ్యంతో భారీ ఎత్తున రూపొందించిన 'పుష్ప' మూవీకి అంచనాలకు మించిన రెస్పాన్స్ వస్తుండటం పట్ల చిత్రయూనిట్ ఎంతో ఆనందంగా ఉంది. ప్రపంచ వ్యాప్తంగా 144.90 కోట్ల రూపాయల ప్రీ రిలీజ్ బిజినెస్ చేసి 146 కోట్ల బ్రేక్ ఈవెన్ టార్గెట్‌తో బరిలోకి దిగాడు పుష్పరాజ్. తొలి రోజే మిశ్రమ స్పందన తెచ్చుకొని ఆ తర్వాత డీసెంట్ రన్ కొనసాగించాడు. దీంతో ఈ 23 రోజుల్లో ప్రపంచ వ్యాప్తంగా చూస్తే 164.43 కోట్లు వసూలు చేసింది పుష్ప మూవీ. అంటే 18.43 కోట్ల లాభాలతో ప్రస్తుతం పుష్పరాజ్ రన్ కొనసాగుతోంది. ఓటీటీలో రిలీజ్ అయ్యాక కూడా థియేటర్స్‌లో పుష్ప సినిమాకు ఆదరణ లభిస్తుండటం అల్లు అర్జున్ స్టామినా ప్రూవ్ చేస్తోంది.

from Telugu Movie News | Movie News in Telugu | Movie Gossips in Telugu https://ift.tt/3qapCxE
v