రాజకీయాల్లో సినీ గ్లామర్కి అగ్రతాంబూలం. ముఖ్యంగా తెలుగు రాష్ట్రల్లో చాలామంది నటీనటులు రాజకీయాల్లో చక్రం తిప్పి.. జాతీయ స్థాయిలో ఏలిన వాళ్లు ఉన్నారు. అప్పుడు ఇప్పుడూ ఎప్పుడైనా సినిమా వాళ్లు రాజకీయాల్లోకి వస్తున్నారంటే ఎంతో కొంత ఇంపాక్ట్ ఉండనే ఉంటుంది. అయితే సినిమాల్లో మాదిరే రాజకీయాల్లో కూడా హిట్టు ఫ్లాప్ అనేది జనం నిర్ణయాన్ని బట్టే ఉంటుంది. ఒకప్పుడు సినిమాల్లో స్టార్ హీరో హోదాను అనుభవించిన .. పొలిటికల్గా యాక్టివ్ అయ్యేందుకు రంగం సిద్ధం చేసుకునే పనిలో పడ్డారు. రాష్ట్ర విభజన సమయంలో టీఆర్ఎస్ పార్టీకి మద్దతు తెలిపినప్పటికీ సుమన్ మొదటి నుంచి టీడీపీ పార్టీకి అనుకూలంగా ఉన్నారు. తెలుగుదేశం పార్టీ అధినేత చంద్రబాబు నాయుడుని రాజకీయ గురువుగా భావించే హీరో సుమన్కి టీడీపీతో మంచి అనుబంధాలే ఉన్నాయి. గుంటూరు జిల్లా టిడిపి నేత ఈడే మురళి కృష్ణతో అవినాభావ సంబంధం ఉంది. గతంలో టిడిపి నుండి సుమన్ ఎన్నికల బరిలోకి దిగుతారన్న ప్రచారం జరిగింది. అయితే అనూహ్యంగా ఆంధ్రప్రదేశ్ ముఖ్యమంత్రి జగన్ మోహన్ రెడ్డి ముందస్తు జన్మదిన వేడుకల్లో హీరో సుమన్ పాల్గొనడం హాట్ టాపిక్ అవుతోంది. సీఎం జగన్ ముందస్తు బర్త్ డే వేడుకలో భాగంగా డిసెంబర్ 20 సోమవారం నాడు గుంటూరు హృదయ భవన్లో మానసిక వికలాంగులు, పేదలకు.. పండ్లు , స్వీట్స్ , దుప్పట్లు, దుస్తులు పంపిణీ చేశారు. ఈ కార్యక్రమంలో రాష్ట్ర హోంమంత్రి మేకతోటి సుచరిత పాటు హీరో సుమన్ పాల్గొన్నారు. ఈ సందర్భంలో హీరో .. ఏపీ సీఎం జగన్పై ప్రశంసలు కురిపించారు. తండ్రికి తగ్గ తనయుడు అంటూ జగన్పై పొగడ్తల వర్షం కురిపించారు. కశ్మీర్ నుంచి కన్యాకుమారి వరకూ చాలామంది సీఎంల పనితీరుని చూశానని.. సంక్షేమ పథకాలు అమలులో జగన్.. తన తండ్రి వైఎస్ని మించిపోయారంటూ కొనియాడారు. మొన్నటి వరకూ టీడీపీ అధినేత చంద్రబాబుతో సన్నిహిత సంబంధాలు ఉన్న సుమన్ ఒక్కసారిగా వైఎస్ కుటుంబంపై ప్రశంసలు కురిపించడంతో పాటు.. సిఎం జగన్ ముందస్తు జన్మదిన వేడుకల్లో హోంమంత్రి సుచరితతో కలిసి పాల్గొనడం.. పెదకూరపాడు ఎమ్మెల్యే నంబూరి శంకర్రావుతో భేటీ కావడం ఇవన్నీ రాజకీయ కోణంలో చూస్తే సుమన్.. వైసీపీ పార్టీలోకి వెళ్లడానికి ప్రయత్నాలు ముమ్మరం చేశారనే వాదన వినిపిస్తోంది. గుంటూరు జిల్లాలో ఏదైనా ఒక నియోజక వర్గం నుండి పోటీ చేసేందుకు ఆయన సుముఖంగా ఉన్నట్లు హాట్ టాపిక్ నడుస్తోంది. అంతేకాదు.. సుమన్ పాలిటిక్స్లో యాక్టివ్ అయ్యేందుకు.. తన ఫ్యాన్స్ అసోసియేషన్ సభ్యులతో వరుస భేటీలు కావడంతో ఈ ప్రచారానికి మరింత ఊతమిచ్చింది. విజయవాడ రూరల్ మండలం పి.నైనవరానికి చెందిన ఆలిండియా సుమన్ ఫ్యాన్స్ అసోసియేషన్ అధ్యక్షుడు ధూళిపాళ్ల దేవేంద్రరావు నివాసంలో సుమన్ భేటీ అయిన విషయం తెలిసిందే. నిజానికి హీరో సుమన్.. 2018లోనే రాజకీయ ప్రకటన చేశారు. అప్పట్లో తూర్పుగోదావరి జిల్లా షూటింగ్ కోసం వచ్చిన సుమన్.. 2019లో తన పొలిటికల్ ఎంట్రీ ఉండబోతుందని ప్రకటించారు. అప్పటి నుంచి ఆయన పొలిటికల్ ఎంట్రీ వాయిదా పడుతూ వస్తోంది. జగన్ సీఎం అయిన తరువాత ఆయన అపాయింట్మెంట్ కోసం ఐదారుసార్లు ప్రయత్నించిన విషయాన్ని గతంలో మీడియాకి వివరించారు సుమన్. మరి ఈసారైనా ఆయనకు అపాయింట్మెంట్ లభిస్తుందా? పొలిటికల్ ఎంట్రీపై క్లారిటీ వస్తుందో చూడాలి.
from Telugu Movie News | Movie News in Telugu | Movie Gossips in Telugu https://ift.tt/3ssGRfa
v
No comments:
Post a Comment