స్టార్ హీరోయిన్ మరో ఫీట్ సాధించింది. గురువారం సాయంత్రం వేడుకగా జరిగిన ఫిలింఫేర్ ఓటీటీ అవార్డుల ప్రదానోత్సవంలో సమంతకు అవార్డు దక్కింది. ఓటీటీ ఫ్లాట్ఫామ్స్ వేదికగా విడుదలై ప్రేక్షకులను అలరించిన వెబ్ సిరీస్లు, అందులో నటించిన నటీనటులకు ఈ అవార్డులు ఇస్తుంటారు. అయితే ఈ సారి 'బెస్ట్ యాక్ట్రెస్ ఇన్ డ్రామా సిరీస్’ విభాగంలో సమంత బ్లాక్ లేడీని గెలుచుకుంది. దీంతో సమంత ఖాతాలో మొత్తం 5 ఫిలింఫేర్ అవార్డులు చేరాయి. ఈ విషయాన్ని తెలియజేస్తూ తెగ సంబరపడింది సమంత. తన సోషల్ మీడియా ఖాతా ఇన్స్టా వేదికగా ‘యాహూ.. నా కిట్టీలో ఐదో బ్లాక్ లేడీ’ అని పేర్కొంటూ నవ్వులు చిందిస్తున్న లుక్ షేర్ చేసింది. ''ఈ రోజు నాలో ఇంత సంతోషాన్ని నింపుతూ నాకు ఓటు వేసిన ప్రతి ఒక్కరికి ధన్యవాదాలు'' అని పేర్కొంది సామ్. దీంతో ఈ పోస్ట్ నెట్టింట వైరల్గా మారింది. సమంత అందుకున్న ఈ అవార్డు చూసి ఆమె ఫ్యాన్స్ మురిసిపోతూ పెద్ద ఎత్తున శుభాకాంక్షలు తెలుపుతున్నారు. ఓ వైపు సినిమాల్లో రాణిస్తూనే డిజిటల్ ఎంట్రీ ఇస్తూ 'ది ఫ్యామిలీ మాన్ సీజన్ 2' వెబ్ సిరీస్ చేసింది సమంత. 'ది ఫ్యామిలీ మాన్ సీజన్ 1' కు కొనసాగింపుగా దర్శక ద్వయం రాజ్ అండ్ డీకే రూపొందించిన ఈ చిత్రంలో 'రాజీ' అనే పాత్రలో నటించి మెప్పించింది. మొదటిసారి వెబ్ సిరీస్లో నటించి ఓటీటీ వేదికపై అలరించింది. అయితే ఓటీటీ నుంచి ది బెస్ట్ నటుల ఫీమేల్ జాబితాలో 'ది ఫ్యామిలీ మాన్ సీజన్ 2'లో నటనకు గాను సమంతను ఫిలిం ఫేర్ అవార్డు వరించింది.
from Telugu Movie News | Movie News in Telugu | Movie Gossips in Telugu https://ift.tt/3IFx8I0
v
No comments:
Post a Comment