ఏం మాట్లాడాలో కూడా అర్థం కావడం లేదు.. ట్విట్టర్‌లో రాజమౌళి పోస్ట్

సినిమా వస్తుందంటే ఆ ప్రభంజనం ఎలా ఉంటుందో మనందరికీ తెలిసిన విషయమే. 'బాహుబలి' సిరీస్ రూపొందించి విడుదల చేశాక పాన్ ఇండియా డైరెక్టర్‌గా ఆయన క్రేజ్ ఎల్లలు దాటింది. ఇక ఆ క్రేజ్ రెట్టింపయ్యేలా మరో ప్రతిష్టాత్మక మూవీ తెరకెక్కిస్తున్నారు జక్కన్న. రామ్ చరణ్, ఎన్టీఆర్ హీరోలుగా భారీ రేంజ్‌లో ఈ సినిమా రూపొందుతోంది. హై బడ్జెట్ కేటాయించి డీవీవీ దానయ్య సమర్పణలో తెరకెక్కుతున్న ఈ మూవీపై రాజమౌళి స్పెషల్ ఫోకస్ పెట్టారు. ఓ వైపు షూటింగ్ చేస్తూనే మరోవైపు చిత్ర అప్‌డేట్స్ వదులుతూ ప్రేక్షక లోకాన్ని హుషారెత్తిస్తున్నారు. 2022 సంవత్సరం జనవరి 7వ ప్రపంచ వ్యాప్తంగా తెలుగు, త‌మిళ‌, క‌న్న‌డ‌, మ‌ల‌యాళ‌, హిందీ భాషల్లో ఈ సినిమా విడుదల చేయబోతున్నారు రాజమౌళి. ఈ మేరకు చిత్ర ప్రమోషన్స్ వేగం పెంచి గురువారం (డిసెంబ‌ర్ 9) రోజు RRR ట్రైలర్ రిలీజ్ చేశారు. రాజమౌళి స్టైల్ మేకింగ్ కనిపించడంతో విడుదలైన కొన్ని నిమిషాల్లోనే ఈ ట్రైల‌ర్‌ వైరల్ అయింది. నెట్టింట ట్రెండింగ్ అవుతూ హ్యూజ్ రెస్పాన్స్ తెచ్చుకుంటోంది. ట్రైలర్‌లో చరణ్, తారక్‌లను శక్తివంతమైన పోరాట యోధులుగా చూపించిన విధానానికి, విజువల్ వండర్‌గా కట్ చేసిన ట్రైలర్‌కు సెల్యూట్ చేస్తున్నారు. ట్రైలర్‌కి వస్తున్న ఈ అసాధారణమైన స్పందన చూసి మాటలు రావట్లేందంటూ దర్శక ధీరుడు రాజమౌళి అన్నారు. "ఏం మాట్లాడాలో..అర్థం కావడం లేదు. అన్నీ ప్రాంతాల నుంచి 'RRR' ట్రైలర్‌కు వస్తున్న రెస్పాన్స్‌తో మా టీమ్ అంతా చాలా ఎంజాయ్ చేస్తున్నాము" అంటూ ట్విట్టర్ వేదికగా పేర్కొన్న జక్కన్న అందరికీ కృతజ్ఞతలు తెలిపారు.

from Telugu Movie News | Movie News in Telugu | Movie Gossips in Telugu https://ift.tt/3IwJClb
v