దర్శకధీరుడు రాజమౌళి తన తాజా చిత్రం . యంగ్ టైగర్ ఎన్టీఆర్, మెగా పవర్స్టార్ రామ్ చరణ్ హీరోలుగా నటించారు. ఎంటైర్ ఇండియన్ సినీ ఇండస్ట్రీ ఎంతో ఆసక్తిగా ఎదురుచూస్తున్న చిత్రం కావడంతో సినిమాపై భారీ అంచనాలు నెలకొన్నాయి. సంక్రాంతి సందర్భంగా జనవరి 7, 2022న ఈ చిత్రం విడుదలవుతుంది. ఆదివారం (డిసెంబర్ 19)న ముంబైలో ఘనంగా ప్రీ రిలీజ్ ఈవెంట్ నిర్వహిస్తున్నట్లు చిత్ర యూనిట్ తెలియజేయగానే అభిమానులు ఎంతగానో సంబరపడ్డారు. ఈ వేడుకకి మన టాలీవుడ్ టాప్ స్టార్స్ ఎన్టీఆర్, రామ్చరణ్లతో పాటు జక్కన్న ఇతరులు ఉంటారు. వీరు కాకుండా బాలీవుడ్ స్టార్స్ కూడా వస్తున్నారు. ముఖ్యంగా బాలీవుడ్ సూపర్ స్టార్ సల్మాన్ ఖాన్ ముఖ్య అతిథిగా వస్తున్నారని, ప్రముఖ బాలీవుడ్ దర్శక నిర్మాత కరణ్ జోహార్ ఈ షోను హోస్ట్ చేస్తున్నాడని తెలియగానే మన తెలుగు ప్రేక్షకులు ఎంతగానో సంబర పడ్డారు. అందుకు కారణం, ఇంత ఘనంగా జరగబోయే ప్రీ రిలీజ్ ఈవెంట్ను లైవ్లో చూస్తూ తెగ ఎంజాయ్ చేయవవచ్చుననేది వారి ఆలోచన. అయితే.. ఇప్పుడు టాలీవుడ్ ఫ్యాన్స్ అందరికీ నిరాశ ఎదురైంది. ఎందుకంటే, RRR ప్రీ రిలీజ్ ఫంక్షన్ లైవ్ ఇవ్వడం లేదు. ఇది నిజంగా టాలీవుడ్ ప్రేక్షకులకే కాదు.. అందరికీ షాకింగ్ విషయమే. అయితే ఇక్కడ సంతోష పడాల్సిన విషయమేమంటే ఈ ఎంటైర్ ప్రీ రిలీజ్ ఈవెంట్ ఓ ప్రముఖ హిందీ ఛానెల్ డిసెంబర్ 31న ప్రసారం చేయనుంది. అంతే కాకుండా, RRR ప్రీ రిలీజ్ ఈవెంట్కు కేవలం 1500 మందిని మాత్రమే ఆహ్వానిస్తున్నారట. ముంబైలో ఉండి చూడాలనుకుంటున్న అభిమానులకు కూడా RRR ప్రీ రిలీజ్ ఈవెంట్ను అక్కడకు వెళ్లి చూసే అవకాశం లేదనేది ఫిక్స్. 1920 నేపథ్యంలో రూపొందుతోన్న ఫిక్షనల్ పీరియాడికల్ మూవీ RRR. ఇందులో కొమురం భీమ్గా ఎన్టీఆర్, అల్లూరి సీతారామరాజుగా రామ్ చరణ్ నటించారు. ఇక బాలీవుడ్ స్టార్స్ అజయ్ దేవగణ్, ఆలియా భట్ కీలక పాత్రల్లో నటించారు. చరిత్రలో కలుసుకోని ఇద్దరు వీరులు కలుసుకుని వారి ఆలోచనలను పరస్పరం పంచుకుని బ్రిటీష్ వారిపై తిరగబడితే ఎలా ఉంటుందనేదే సినిమా కథాంశం. దాదాపు రూ.400 కోట్ల రూపాయల భారీ బడ్జెట్తో డివివి ఎంటర్టైన్మెంట్స్ బ్యానర్పై డివివి దానయ్య ఈ చిత్రాన్ని నిర్మిస్తున్నారు.
from Telugu Movie News | Movie News in Telugu | Movie Gossips in Telugu https://ift.tt/3sdHd9g
v
No comments:
Post a Comment