అభిప్రాయాలు వేరు కావచ్చు కానీ..! నేను అభ్యర్థించేది అదొక్కటే: సమంత ఓపెన్ కామెంట్స్

అక్కినేని కుటుంబంతో తెగదెంపులు చేసుకొని నాగ చైతన్యతో విడాకుల విషయాన్ని ప్రకటించిన తర్వాత నిత్యం వార్తల్లో నిలుస్తోంది . ప్రస్తుతం సెలక్టెడ్ సినిమాలు చేస్తూ దూసుకుపోతున్న ఈ ముద్దుగుమ్మ అటు సోషల్ మీడియాలోనూ హవా నడిపిస్తోంది. ఎప్పటికప్పుడు తన అప్‌డేట్స్ పోస్ట్ చేస్తూనే ఆలోచింపజేసే కొటేషన్స్ షేర్ చేస్తూ తన బలం ఏంటనేది చెప్పకనే చెబుతోంది. దీంతో ఆమె పెట్టిన ప్రతి పోస్ట్ నెట్టింట హల్చల్ చేస్తుండటం చూస్తున్నాం. గత వారం రోజులుగా అయితే మరింతగా రెచ్చిపోతోంది సమంత. అందాల తలపులు తెరుస్తూ రచ్చ చేస్తోంది. హాట్ హాట్ ఫొటోస్ షేర్ చేస్తూ ఆన్ లైన్ వేదికలను వేడెక్కిస్తోంది. ఈ నేపథ్యంలోనే తాజాగా తన హాట్ లుక్ ఒకటి పోస్ట్ చేస్తూ తన మనసులో మాట బయటపెట్టింది సామ్. ఎల్లీ ఇండియా ఫ్యాషన్ మ్యాగజైన్ కోసం హాట్ పోజులిచ్చిన సమంత.. ఆ ఫొటోలను తన ఇన్స్‌స్టాగ్రామ్ ఖాతాలో షేర్ చేసింది. తాను షరతులు లేకుండా ఏదీ అంగీకరించనని తెలుపుతూ ట్యాగ్ లైన్ రాసింది. ''నేను విభిన్న అభిప్రాయాలను కలిగిన వ్యక్తులను ఎప్పుడూ ప్రోత్సహిస్తుంటాను. అయితే మనం ఎప్పటికీ ఒకరినొకరు ప్రేమించుకుంటూ ఇతరుల పట్ల కనికరం చూపిస్తుండాలి. అదేవిధంగా నేను మీ అందరినీ అభ్యర్థించేది ఒక్కటే. సోషల్ మీడియా ద్వారా మీ లోని నిరుత్సాహాన్ని తెలపాలంటే నాగరికంగా, అందరూ అంగీకరించే మార్గంలో వ్యక్తం చేయమని మాత్రమే చెబుతున్నా'' అని పేర్కొంది సమంత. ట్రోలింగ్ గురించి సమంత ఇంతలా వర్ణించినా కూడా ఇదే ఫొటోపై నెటిజన్స్ రెచ్చిపోయి కామెంట్స్ పెడుతున్నారు. ఈ దరిద్రాన్ని చూడలేము అని కొందరు ట్రోల్ చేస్తుండగా.. నాగ చైతన్య అందుకే నిన్ను వదిలేశాడు అంటూ ఇంకొందరు దారుణమైన కామెంట్స్ పెడుతున్నారు. దీంతో ఈ పోస్ట్ నెట్టింట వైరల్ అవుతోంది.

from Telugu Movie News | Movie News in Telugu | Movie Gossips in Telugu https://ift.tt/31tE3TC
v