‘అఖండ’తో ఆ విషయం అర్థమైంది!.. మొదట్లో భయపడ్డామన్న ‘లక్ష్య’ నిర్మాత

బ్లాక్ బస్టర్‌గా నిలిచిన సినిమాతో రెడీ నిర్మాత ప్రస్తుతం రెండు తెలుగు రాష్ట్రాల్లోని థియేటర్ల వద్ద మాస్ జాతర జరుగుతోంది. నందమూరి బాలకృష్ణ బోయపాటి కాంబినేషన్‌లో వచ్చిన అఖండ సినిమా దుమ్ములేపుతోంది. ట్రేడ్ లెక్కలు చూస్తుంటే అఖండ బాక్సాఫీస్‌ను షేక్ చేస్తోన్నట్టు కనిపిస్తోంది. ఆరు రోజుల్లో యాభై కోట్ల షేర్, 85 కోట్ల గ్రాస్ కొల్లగొట్టినట్టు తెలుస్తోంది. ఇలాంటి బ్లాక్ బస్టర్ సినిమా వస్తుందని, మళ్లీ థియేటర్లు కళకళలాడుతుందని ఎవ్వరూ ఊహించి ఉండరు. ఇక అఖండ సక్సెస్‌తో అందరిలోనూ ఓ ధైర్యం, భరోసా వచ్చింది. అదే విషయాన్ని ఏసియన్ అధినేత నారాయణ్ దాస్ నారంగ్ తాజాగా లక్ష్య సినిమా ప్రమోషన్స్‌లో భాగంగా అఖండ సినిమా సంగతులు చెప్పుకొచ్చాడు. అఖండ సినిమా పెద్ద సక్సెస్ అయింది. అది మాకు సంతోషంగా అనిపించింది. అసలు థియేటర్లకు జనాలు వస్తారా? లేరా? అని అనుకున్నాం. కానీ ఇప్పుడు ఆ భయాలన్నీ పోయాయి. రెండేళ్ల క్రితమే శాటిలైట్, డిజిటల్ రైట్స్ అమ్మేశాం. ఫిల్మ్ బాగుంటే జనాలు వస్తారు అని తెలిసింది. ఇప్పుడు మేం థియేటర్ రెవిన్యూ మీద ఆధారపడ్డామని అన్నాడు. మొదట ఈ కథ విన్నప్పుడు కొద్దిగా భయపడ్డాను. కానీ పూర్తిగా కథ విన్నాక చేయాలని నిర్ణయించుకున్నాం. ఇందులో ఆటతో పాటు అన్ని రకాల ఎమోషన్స్ ఉంటాయి. కథ విన్నవెంటనే నాగ శౌర్యకు పంపించాం. అతను విన్న వెంటనే చేయాలని ఫిక్స్ అయ్యాడు. ఆ తరువాత నార్త్ స్టార్‌ ఎంటర్టైన్మెంట్స్‌ శరత్ మరార్‌తో కలిసి నిర్మించామని చెప్పుకొచ్చాడు. శేఖర్ కమ్ముల-ధనుష్, శివ కార్తికేయన్‌తో ఒక సినిమా, సుధీర్ బాబు హీరోగా హర్ష వర్దన్ డైరెక్షన్‌లో ఒక సినిమా, రంజిత్ దర్శకత్వంలో గౌతమ్ విజయ్ సేతుపతి సందీప్ కిషన్‌ల కాంబినేషన్‌లో మరో సినిమా.. నాగార్జునతో ఓ సినిమాను చేస్తున్నాం. ఈ సినిమాకు ముందుగా కాజల్ అనుకున్నాం. కానీ ఇప్పుడు వేరే హీరోయిన్‌ను చూస్తున్నామని తెలిపాడు.

from Telugu Movie News | Movie News in Telugu | Movie Gossips in Telugu https://ift.tt/3lKslet
v