చిరంజీవి డాన్స్‌పై అల్లు అర్జున్ కామెంట్స్.. నా ఉద్దేశం అదేనంటూ ఓపెన్! యమ క్రేజీగా బన్నీ ప్లాన్

స్టైలిష్ స్టార్ తొలి పాన్ ఇండియా మూవీగా డిసెంబర్ 17న 'పుష్ప' ప్రేక్షకుల ముందుకు రాబోతోంది. దీంతో చిత్ర ప్రమోషన్స్ విషయంలో అత్యంత కేర్ తీసుకుంటున్నారు. ఈ క్రమంలోనే రీసెంట్‌గా హైదరాబాద్‌లో గ్రాండ్ ప్రీ రిలీజ్ ఈవెంట్ నిర్వహించారు. ఇక సినిమాను హిందీ ఆడియన్స్‌కి చేరువ చేయడంలో భాగంగా నేడు (గురువారం) ఉదయం ముంబైలో సందడి చేశారు హీరోహీరోయిన్లు అల్లు అర్జున్, రష్మిక మందన. ఈ నేపథ్యంలో అక్కడ నిర్వహించిన ప్రెస్‌మీట్‌లో పలు ఆసక్తికర విషయాలు పంచుకున్నారు బన్నీ. బాలీవుడ్‌ మెగాస్టార్‌ అమితాబ్‌ బచ్చన్‌ అంటే తనకు అమితమైన అభిమానమని చెప్పిన అల్లు అర్జున్.. టాలీవుడ్ మెగాస్టార్ డాన్స్ ప్రస్తావన తీసుకొచ్చారు. మీలో ఎక్కువగా రజనీకాంత్‌ మేనరిజమ్స్‌ కనిపిస్తున్నాయి దానిపై మీ కామెంట్ ఏంటి? అనే ప్రశ్నపై బదులిస్తూ.. తాను చెన్నైలో పుట్టి పెరగడం వల్ల దక్షిణాదికి చెందిన సూపర్‌స్టార్స్ నుంచి ఎక్కువ ప్రేరణ పొందానని అన్నారు. మా మావయ్య చిరంజీవి సూపర్‌ డ్యాన్సర్‌ అనేది అందరికీ తెలిసిన విషయమే. అయితే తాను మాత్రం కావాలని వాళ్లని ఇమిటేట్‌ చేయడం లేదని, కాకపోతే అవి సందర్భానుసారంగా అలా వచ్చేస్తాయేమో అని అన్నారు అల్లు అర్జున్. పుష్ప మూవీ కారణంగా తొలిసారి జాతీయ మీడియా సమావేశంలో పాల్గొంటున్నానని, ఇది తన జీవితంలో గర్వించదగిన రోజు అని అల్లు అర్జున్ తెలిపారు. ఇకపై తాను చేసే ప్రాజెక్టులన్నీ పాన్‌ ఇండియా సినిమాలయ్యేలా ప్రయత్నిస్తానని అన్నారు. పాన్‌ ఇండియా అనే కాదు.. వివిధ దేశాల్లో ఉన్న ప్రేక్షకులకు సినిమా మరింత దగ్గరయ్యేలా ముందుకెళ్లాలనేది తన ఉద్దేశమంటూ ఓపెన్ అయ్యారు. దీన్ని బట్టి చూస్తే ముందు ముందు అల్లు అర్జున్ విదేశీ భాషల్లోనూ అలరిస్తారేమో అనే డౌట్ రాక మానదు. సో.. చూడాలి బన్నీ ప్రయత్నాలు ఏ మేర సక్సెస్ అవుతాయనేది!.

from Telugu Movie News | Movie News in Telugu | Movie Gossips in Telugu https://ift.tt/3dTgZ3w
v