ఏపీలో సినిమా టికెట్ల రగడ నడుస్తున్న సంగతి తెలిసిందే. సినిమా టికెట్ల ధరల విషయంలో ఏపీ ప్రభుత్వం వ్యవహరిస్తున్న తీరుపై పలువురు సినీ ప్రముఖులు భగ్గుమంటున్నారు. మొన్నటికి మొన్న సినిమా టికెట్స్ ఇష్యూపై హీరో నాని చేసిన కామెంట్స్ తీవ్ర దుమారం రేపాయి. థియేటర్స్ కలెక్షన్స్ కంటే కిరాణా కొట్టు కలెక్షన్స్ బెటర్ అని నాని చేసి కామెంట్స్ వైరల్ అయ్యాయి. దీంతో సినిమా టికెట్ ధరల ఇష్యూపై మాటల యుద్ధం మొదలై ఏపీ మంత్రులు Vs సినీ సెలబ్రిటీస్ అన్నట్లుగా మారిపోయింది సీన్. పలువురు మంత్రులు నాని మాటలను తప్పుబడుతూ సెలబ్రిటీల రెమ్మ్యూనరేషన్ గురించి మాట్లాడుతున్నారు. సినిమా మేకింగ్ ఖర్చు తగ్గించుకోండి అలాగే మీ మీ రెమ్యునరేషన్స్ తగ్గించుకొని సినిమాలు తీయండి అంటూ కొందరు మంత్రులు రియాక్ట్ అవుతున్నారు. ఈ నేపథ్యంలో ఏపీ సినిమా టికెట్స్ ఇష్యూలోకి హీరో సిద్దార్థ్ ఎంటరై మంత్రుల మాట తీరుపై భగ్గుమన్నారు. తనదైన స్టైల్లో లాజిక్ మాట్లాడుతూ మంత్రులకు చురకలంటించారు. ఈ మేరకు సిద్దార్థ్ చేసిన ట్వీట్ జనాల్లో హాట్ టాపిక్ అయింది. ''మంత్రులు వినండి.. ఎవరైతే సినిమా మేకింగ్ ఖర్చు తగ్గించి, కస్టమర్స్కు డిస్కౌంట్ అందిస్తున్నామంటున్నారో వారికి నేనొక్కటే చెబుతున్నా. సినిమా చేయడంతో పాటు రెమ్మ్యూనరేషన్పై మేము ప్రభుత్వానికి పన్నులు కడుతున్నాం. మేము కట్టే ఆ ట్యాక్సులను కొంతమంది పొలిటీషియన్స్ వారి వారి సొంత విలాసాలకు ఖర్చు పెట్టుకుంటున్నారు. అంతేకాదు అవినీతికి పాల్పడుతూ లక్షలు, కోట్లు దండుకొంటున్నారు. మీ మీ విలాసాలు తగ్గించుకొని మాకు డిస్కౌంట్స్ ఇవ్వండి'' అని పేర్కొంటూ మంత్రులకు కౌంటర్ ఇచ్చారు సిద్దార్థ్. ఈ మధ్యకాలంలో హీరో సిద్దార్థ్ చేస్తున్న ట్వీట్స్ నెట్టింట చర్చనీయాంశం అవుతున్నాయి. రీసెంట్గా సమంత డివోర్స్ ఇష్యూపై పరోక్షంగా రియాక్ట్ అవుతూ ఫ్యాన్స్ గురించి కామెంట్స్ చేసిన ఆయన, నిన్న గాక మొన్న ప్యాన్ ఇండియా మూవీస్ కలెక్షన్స్ విషయమై రియాక్ట్ అవుతూ నిర్మాతలకు కౌంటర్స్ ఇచ్చారు. ఇప్పుడు టికెట్ ధరల ఇష్యూపై మంత్రులను ఏకిపారేశారు. సిద్దార్థ్ తీసిన ఈ లాజిక్పై ఏపీ మంత్రుల రియాక్షన్ ఉంటుందా? ఒకవేళ ఉంటే ఎలా ఉంటుందో చూడాలి మరి!.
from Telugu Movie News | Movie News in Telugu | Movie Gossips in Telugu https://ift.tt/3ek3JFl
v
No comments:
Post a Comment