ఇక దున్నేద్దామంటూ సమంత పోస్ట్! నెట్టింట వైరల్ అవుతున్న హీరోయిన్ బ్యాక్ పోజ్

నాగ చైతన్యతో విడాకుల ప్రకటన అనంతరం తన కెరీర్‌పై ఫుల్ ఫోకస్ పెట్టారు. టాలీవుడ్‌తో పాటు బాలీవుడ్, హాలీవుడ్ సినిమాలు కూడా ఓకే చేస్తూ వరుస సినిమాలతో బిజీగా అయ్యారు. ఈ క్రమంలోనే క్రియేటివ్ డైరెక్టర్ సుకుమార్ దర్శకత్వంలో తెరకెక్కుతున్న 'పుష్ప' సినిమాలో స్పెషల్ సాంగ్ చేసేందుకు అంగీకరించారు. ప్రస్తుతం ఈ సాంగ్ షూటింగ్ జరుగుతోంది. అయితే ఈ పాటలో సమంతకు సంబంధించిన ఓ లుక్ రిలీజ్ చేసి ఆసక్తి రేకెత్తించారు మేకర్స్. ఇదే పోస్టర్‌ని సామ్ తన ట్విట్టర్ ఖాతాలో పోస్ట్ చేస్తూ 'లెట్స్ రాక్' అని కామెంట్ పెట్టారు. సాధారణంగానే సుకుమార్ సినిమా అంటే ఐటెం పాట ఓ రేంజ్‌లో ఉంటుంది. ఆయన చేసిన ప్రతి మూవీలో స్పెషల్ సాంగ్ కోసం ప్రత్యేక శ్రద్ద తీసుకునే సుకుమార్.. ఈ సారి పుష్ప కోసం ఏకంగా సమంతను రంగంలోకి దించారు. సమంత క్రేజ్ క్యాచ్ చేసుకుంటూ సినిమాలో ఈ పాట మేజర్ అట్రాక్షన్ అయ్యేలా ఆయన స్కెచ్చేశారట. అల్లు అర్జున్- సమంత హుషారెత్తించే స్టెప్పులతో ఈ సాంగ్ థియేటర్లను హోరెత్తించనుందని అంటున్నారు. అయితే ఓ వైపు షూట్ చేస్తూనే మరోవైపు ఈ సాంగ్ ప్రమోషన్ చేపట్టిన సుక్కు.. తాజాగా రిలీజ్ చేశారు. 'సిజ్లింగ్ సాంగ్ ఆఫ్ ది ఇయర్'ని చూసేందుకు సిద్ధంగా ఉండండి అని పేర్కొంటూ ఈ పోస్టర్ వదిలారు. దీంతో ఈ పిక్ నెట్టింట వైరల్‌గా మారింది. సమంతను ఐటెం పాటలో చూసి ఎంజాయ్ చేయాలనే కుతూహలం జనాల్లో పెరిగిపోయింది. మైత్రీ మూవీ మేకర్స్, ముత్తం శెట్టి మీడియా సంయుక్తంగా భారీ బడ్జెట్‌తో పాన్ ఇండియన్ సినిమాగా తెరకెక్కిస్తున్న ఈ మూవీలో అల్లు అర్జున్ సరసన రష్మిక మందన హీరోయిన్‌గా నటిస్తోంది. రెండు భాగాలుగా ఈ మూవీ ప్రేక్షకుల ముందుకు రానుంది. మొదటి భాగాన్ని 'పుష్ప ది రైజ్' పేరుతో డిసెంబర్ 17న ప్రపంచవ్యాప్తంగా రిలీజ్ చేస్తున్నారు.

from Telugu Movie News | Movie News in Telugu | Movie Gossips in Telugu https://ift.tt/3I7LdO0
v