RRR ఎఫెక్ట్.. వెనకడుగు వేసిన ముంబై లేడీ డాన్.. బాలీవుడ్ బడా డైరెక్టర్ రాజమౌళికి భయపడ్డాడా?

టాలీవుడ్ కాదు.. సౌతిండియా సినీ పరిశ్రమే కాదు.. ఎంటైర్ ఇండియ‌న్ మూవీ ఇండ‌స్ట్రీ ఎంతో ఆస‌క్తిగా ఎదురుచూస్తోన్న సినిమా ఏదంటే ట‌క్కున వినిపించే స‌మాధానం RRR. బాహుబ‌లితో తెలుగు సినిమా స్థాయిని ప్ర‌పంచానికి చాటి, ఎంటైర్ ఇండియా త‌న‌వైపు తిప్పుకునేలా చేసుకున్నారు ద‌ర్శ‌క ధీరుడు రాజ‌మౌళి. ఆ సినిమా త‌ర్వాత ఆయ‌న ద‌ర్శ‌క‌త్వంలో వ‌స్తోన్న తదుప‌రి చిత్రం RRR. టాలీవుడ్ టాప్ స్టార్ హీరోలు యంగ్ టైగ‌ర్ ఎన్టీఆర్‌, మెగాప‌వ‌ర్ స్టార్ రామ్‌చ‌ర‌ణ్‌ల‌తో పాటు బాలీవుడ్ నుంచి ఆలియా భ‌ట్‌, అజ‌య్ దేవ‌గ‌ణ్‌.. హాలీవుడ్ నుంచి ఒలివియా మోరిస్‌, రే స్టీవెన్ స‌న్‌, అలిస‌న్ డూడి వంటి స్టార్స్ స‌హా స‌ముద్ర‌ఖ‌ని, శ్రియా శ‌ర‌న్ వంటివారు కూడా న‌టించారు. భారీ తారాగ‌ణం. రూ.400 కోట్ల పై చిలుకు బ‌డ్జెట్‌.. ఇలా ప్ర‌తిదీ ఈ సినిమాపై అంచ‌నాల‌ను పెంచేస్తూ వ‌చ్చింది. కోవిడ్ ప్ర‌భావం లేకుండా ఉండుంటే ఎప్పుడో విడుద‌ల కావాల్సిన ఈ సినిమా రెండు మూడు వాయిదాలు తీసేసుకుంది. ఇప్పుడు వ‌చ్చే ఏడాది సంక్రాంతి సంద‌ర్భంగా జ‌న‌వ‌రి 7న RRR విడుద‌ల కానుండ‌టం ఫిక్స్‌. RRR ఫీవ‌ర్ అనండి..ఎఫెక్ట్ అనండి.. ఏదైనా కానీ.. పెద్ద స్టార్స్ సైతం వారి సినిమాల‌ను వెన‌క్కి తోసేసుకుంటున్నారు. టాలీవుడ్ విష‌యానికి వ‌స్తే.. ప‌వ‌ర్‌స్టార్ ప‌వ‌న్ క‌ళ్యాణ్ త‌న భీమ్లానాయ‌క్‌..సూప‌ర్‌స్టార్ మ‌హేశ్ త‌న స‌ర్కారువారి పాట చిత్రాన్ని పోస్ట్ పోన్ చేసుకున్నారు. పోనీ RRR ఎఫెక్ట్ ఇక్క‌డితో ఆగిందా? ఈ సెగ ఏకంగా బాలీవుడ్‌నే తాకింది. ఎంత‌లా అంటే.. బాలీవుడ్‌లో భారీ చిత్రాల‌ను రూపొందిస్తాడ‌నే పేరున్న ద‌ర్శ‌క నిర్మాత సంజ‌య్ లీలా భ‌న్సాలి సైతం ఆయ‌న సినిమాను వాయిదా వేసుకున్నారు. ఇంత‌కీ ఆయ‌న వాయిదా వేసుకున్న సినిమా ఏదో తెలుసా? ‘గంగూభాయ్ క‌తియావాడి’. ఈ సినిమాలో ఆలియా భ‌ట్ టైటిల్ రోల్ చేస్తుండ‌టం విశేషం. RRRలోనూ ఆలియా భ‌ట్ కీల‌క పాత్ర‌లో న‌టిస్తోన్న సంగ‌తి తెలిసిందే. ముంబై లేడీ డాన్ గంగూబాయ్ జీవితాన్ని ఆధారంగా చేసుకునే ఈ సినిమా తెర‌కెక్కింది. ముందు జ‌న‌న‌రి 6న విడుద‌ల చేస్తామ‌ని ప్ర‌క‌టించారు. అయితే RRR ఎఫెక్టో, సినిమాతో ఎందుకు పెట్టుకోవ‌డ‌మని అనుకున్నారేమో సంజ‌య్ లీలా భన్సాలి త‌న గంగూభాయ్ క‌తియావాడిని ఫిబ్ర‌వ‌రి 18న విడుద‌ల చేయ‌బోతున్నట్లు ప్ర‌క‌ట‌న ఇచ్చేశారు. ఎవ‌రైతేనేం, ఏదైతేనేం.. సినిమా ఇండ‌స్ట్రీ వ‌ర‌కు వ‌స్తే. ఇప్పుడు రాజ‌మౌళినే బాద్‌షా అయిపోయాడు. ఆయ‌న సినిమా వ‌స్తుందంటే, సంజ‌య్ లీలా భ‌న్సాలి సైతం ప‌క్క‌కు వెళ్లిపోవాల్సిందే.. త‌ప్ప‌డం లేదు మ‌రి. ప‌రిస్థితులు అలా ఉన్నాయి. ప్రీ ఇండిపెండెన్స్ 1920 బ్యాక్‌డ్రాప్‌తో తెర‌కెక్కుతోన్న ఈ సినిమాలో తెలంగాణ గోండు వీరుడు కొమురం భీమ్‌గా ఎన్టీఆర్‌, మ‌న్యం వీరుడు అల్లూరి సీతారామ‌రాజుగా రామ్‌చ‌ర‌ణ్ క‌నిపిస్తోన్న సంగ‌తి తెలిసిందే.చ‌రిత్ర‌లో క‌లుసుకోని ఇద్ద‌రు స్వాతంత్య్ర యోధులు క‌లుసుకుని బ్రిటీష్‌వారిని ఎదిరిస్తే ఎలా ఉంటుంద‌నేదే ఫిక్ష‌న్ పాయింట్‌ను బేస్ చేసుకుని రాజ‌మౌళి ఈ సినిమాను రూపొందించారు. ప్ర‌స్తుతం నిర్మాణానంత‌ర కార్య‌క్ర‌మాలు జ‌రుగుతున్నాయి.

from Telugu Movie News | Movie News in Telugu | Movie Gossips in Telugu https://ift.tt/3HnwJJn
v