మెగా పవర్ స్టార్ వరుస సినిమాలను లైన్లో పెట్టారు. ప్రస్తుతం రాజమౌళి దర్శకత్వంలో తెరకెక్కుతున్న RRR మూవీతో బిజీగా ఉన్న ఆయన, తన తదుపరి సినిమాను బడా దర్శకుడు దర్శకత్వంలో చేస్తున్న సంగతి తెలిసిందే. ఈ సినిమాలో చెర్రీ సరసన బాలీవుడ్ బ్యూటీ హీరోయిన్గా నటిస్తోంది. రీసెంట్గా షూటింగ్ కూడా మొదలుపెట్టారు. ఈ నేపథ్యంలో తాజాగా రామ్ చరణ్ గురించి ఓ న్యూస్ వైరల్ అవుతోంది. ఇప్పటికే మొదటి షెడ్యూల్ను కూడా దిగ్విజయంగా పూర్తి చేసిన డైరెక్టర్ శంకర్.. తదుపరి షెడ్యూల్ కోసం కియారాను సెట్స్ మీదకు తీసుకొచ్చారు. ఈ నేపథ్యంలో ఈ సినిమా కోసం కియారాకు హీరో రామ్ చరణ్ ప్రేమ పాఠాలు చెప్పబోతున్నాడని ఓ న్యూస్ బయటకొచ్చింది. తాజా షెడ్యూల్లో ఇందుకు సంబంధించిన సన్నివేశాల చిత్రీకరణ జరపనున్నారట. నవంబర్ 15 అంటే సోమవారం నుంచి ఈ షెడ్యూల్ షురూ చేయబోతున్నారని తెలుస్తోంది. హైదరాబాద్లోని రామోజీ ఫిల్మ్ సిటీలో జరగనున్న ఈ షెడ్యూల్లో రామ్ చరణ్, కియారాపై లవ్ సీన్స్ షూట్ చేయబోతున్నారట. శ్రీ వేంకటేశ్వర క్రియేషన్స్ బ్యానర్పై దిల్ రాజు నిర్మాతగా వ్యవహరిస్తున్న ఈ పాన్ ఇండియా సినిమా కోసం 200 కోట్ల రూపాయలకు పైగా బడ్జెట్ కేటాయించారని సమాచారం. శ్రీ వేంకటేశ్వర క్రియేషన్స్ సంస్థ నుంచి రాబోతున్న 50వ సినిమా కావడంతో బడ్జెట్ విషయంలో ఎక్కడా కాంప్రమైజ్ కావడం లేదట. ఇక ఈ చిత్రం కోసం జయరాం, శ్రీకాంత్, సునీల్, అంజలి తదితరులను ఎంపిక చేశారు శంకర్. ఈ మూవీకి మ్యూజిక్ డైరెక్టర్గా థమన్ వ్యవహరిస్తున్నారు.
from Telugu Movie News | Movie News in Telugu | Movie Gossips in Telugu https://ift.tt/3HlrSIF
v
No comments:
Post a Comment