చిరంజీవిగారికి ముందు చెప్ప‌లేదు..అది చూసే అవ‌కాశాలు ఇచ్చామ‌న్నారు : కార్తికేయ‌

హీరో క‌థానాయ‌కుడిగా న‌టించిన చిత్రం ‘రాజా విక్ర‌మార్క‌’. ఒక‌ప్పుడు ఈ టైటిల్‌తో మెగాస్టార్ చిరంజీవి సినిమా విడుద‌లైంది. త‌న అభిమాన హీరో టైటిల్‌తో సినిమా చేయ‌డం గురించి కార్తికేయ ప‌లు విష‌యాల‌ను తెలియ‌జేశారు. అసలు ‘’ అనే టైటిల్‌ను తానే స‌జెస్ట్ చేసినట్లు ఆయ‌న అన్నారు. ఇందులో ఆయన ఎన్ఐఏ ఏజెంట్‌గా నటించారు ‘‘ఈ టైటిల్ పెట్టిన తర్వాత చిరంజీవిగారికి చెప్పాను. ముందు టైటిల్ దొరుకుతుందో? లేదో? అని చెక్ చేశాం. టైటిల్ ఉందని తెలిశాక రిజిస్టర్ చేశా. తర్వాత ఆయనకు పంపించాను. 'గుడ్ లక్' అని చెప్పాను. మెగాస్టార్ అభిమానిగా ఆయన టైటిల్ నా సినిమాకు పెట్టుకున్నానని ఒక సంతోషం. ఆయన సినిమా టైటిల్స్ అన్నీ ఆయనవే. కొంతమంది అభిమానులు పిల్లలకు తమ అభిమాన హీరో పేరు పెట్టుకుంటారు. అలా అభిమానంతో పెట్టుకున్నాను’’ అన్నారు. త‌ర్వాత త‌నకు వ‌స్తున్న అవ‌కాశాలు ఎందువ‌ల్ల వ‌స్తున్నాయ‌నే విష‌యంగురించి కార్తికేయ మాట్లాడుతూ.. ‘‘నాకు నా ఫిజిక్ వల్ల అవకాశాలు వచ్చాయి. నా తొలి సినిమా RX100 కూడా అంతే. తర్వాత 'గ్యాంగ్ లీడర్' అప్పుడు దర్శకుడు విక్రమ్ కె. కుమార్‌తో 'నన్ను ఎందుకు తీసుకున్నారు?' అని అడిగా. 'నీకు మంచి బాడీ ఉంది' అన్నారు. ఇప్పుడు 'వలిమై'లో కూడా అందుకే తీసుకున్నారు. బాడీ వల్ల నాకు చాలా ఛాన్సులు వచ్చాయి. దర్శకులు నన్ను ఎంపిక చేసుకోవడానికి కారణం ఏదైనా అవ్వొచ్చు. బాడీ ఉందని నన్ను తీసుకున్నానని చెప్పిన ముగ్గురు దర్శకులు... నా నటన చూసినప్పుడు, ఎమోషనల్ సీన్స్ చేసినప్పుడు, నటనలో ఇంటెన్స్ చూసి స‌ర్‌ప్రైజ్‌ అయ్యామని చెప్పారు. ఫిజిక్ ఉండటం నాకు అడ్వాంటేజ్ అయ్యింది. దాని వల్ల రోల్స్ వచ్చాయి. బాడీ అలా మెయింటైన్ చెయ్యడం కష్టమే. అయితే... అవకాశాలు వస్తున్నప్పుడు పర్లేదు. కష్టం పడొచ్చు’’ అన్నారు. త‌మిళంలో అగ్ర క‌థానాయ‌కుడు అజిత్‌తో క‌లిసి న‌టించ‌డం గురించి ఆయ‌న మాట్లాడుతూ ‘‘షూటింగ్‌లో తొలి రోజున అజిత్‌గారితో నా కాంబినేష‌న్ సీన్స్ లేవు. ఆయన్ను కలిసే ముందువరకూ కొంచెం టెన్షన్ ఉంది. నాకు తెలియని భాష‌.. అజిత్‌గారేమో పెద్ద స్టార్. ఎలా ఉండాలో, ఏంటో? అని. ఆయన్ను కలిసిన ఒక నిమిషంలో చాలా కంఫ‌ర్ట‌బుల్‌గా ఉండొచ్చ‌నే అర్థ‌మైంది. సెట్‌లో జూనియ‌ర్ ఆర్టిస్ట్ నుంచి అందరూ కంఫ‌ర్ట‌బుల్‌గా ఉండేలా చూస్తారు. స్టార్ అన్నట్టు బిహేవ్ చేయరు. దాంతో నేను ఈజీగా నటించా. ఈ సినిమా కోసం తమిళ్ కొంత నేర్చుకున్నాను. అలాగే త‌మిళంలో డ‌బ్బింగ్ కూడా చెప్పాను’’ అన్నారు కార్తికేయ.

from Telugu Movie News | Movie News in Telugu | Movie Gossips in Telugu https://ift.tt/3BWZVTS
v