యంగ్ టైగ‌ర్ ఎన్టీఆర్ ఫ్యాన్స్‌కు నిరాశ త‌ప్పేలా లేదు.. మ‌రో రెండు నెల‌లు ఆగాల్సిందేనట‌!

యంగ్ టైగర్ ఫ్యాన్స్‌కు ఎందుక నిరాశ‌.. ఆయ‌న లేటెస్ట్ మూవీ వ‌చ్చే ఏడాది సంక్రాంతి సంద‌ర్భంగా జ‌న‌వ‌రి 7న విడుద‌ల‌వుతుందిగా! ఇంకేందుకు టెన్ష‌న్‌, డిస‌ప్పాయింట్‌మెంట్ అనే సందేహాలు రాక మాన‌వు. కానీ.. అస‌లు విష‌య‌మేమంటే, రీసెంట్‌గా RRR షూటింగ్‌ను పూర్టి చేసిన తార‌క్‌, కొర‌టాల శివ ద‌ర్శ‌క‌త్వంలో చేయ‌బోతున్న త‌న 30వ సినిమాకు సంబంధించిన వ‌ర్క‌వుట్స్‌, గ‌ట్రా చేస్తుంటే, కుడిచేతికి గాయ‌మైంది. డాక్ట‌ర్స్‌ను సంప్ర‌దిస్తే వారు చిన్న‌పాటి ఆప‌రేష‌న్ చేయాల‌ని సూచించి చేశారు కూడా ఓ రెండు నెలల పాటు బ‌రువైన వ‌స్తువులేవీ ఎత్త‌కూడ‌ద‌ని వీలైనంత‌గా కుడిచేతికి రెస్ట్ ఇవ్వాల‌ని సూచించారు. చేయిని ఇలాగే పెట్టుకుని కొర‌టాల శివ మూవీని సెట్స్‌పైకి తీసుకెళ్లే అవ‌కాశం లేదు. ఎందుకంటే RRR కోసం బ‌రువు పెరిగిన ఎన్టీఆర్‌ను ఓ ఐదు కిలోలు వెయిట్ లాస్ కావాల‌ని కొర‌టాల కోరాడు. ఇప్పుడు జిమ్ చేయ‌కూడ‌దు. కాబ‌ట్టి.. ఎన్టీఆర్ రెండు నెల‌లు ఆగిన త‌ర్వాత బ‌రువు త‌గ్గే ప‌నిలో ప‌డ‌తాడ‌న్న‌మాట‌. సో అప్ప‌టి వ‌ర‌కు కొర‌టాల శివ అండ్ మేక‌ర్స్ ఎదురుచూడాల్సిందే. కోసం కొర‌టాల శివ ఓ భారీ సెట్‌ను రెడీ చేయిస్తున్నార‌ట‌. షూటింగ్ అందులోనే స్టార్ట్ అవుతుంద‌ని వార్త‌లు వ‌స్తున్నాయి. అది కూడా ఎన్టీఆర్ ఇంటికి స‌మీపంలోనే ఆ సెట్ రెడీ అవుతుంద‌ట‌. ట్రిపుల్ ఆర్ త‌ర్వాత ఎన్టీఆర్ పాన్ ఇండియా సినిమాలే చేయాల‌నుకంటున్నారు. దాన్ని దృష్టిలో పెట్టుకునే కొర‌టాల శివ ఈ క‌థ‌ను త‌యారు చేశాడ‌ని స‌మాచారం. ఇది కాకుండా బాలీవుడ్ ద‌ర్శ‌కుడు సంజయ్ లీలా భ‌న్సాలీ ద‌ర్శ‌క‌త్వంలోనూ ఎన్టీఆర్ సినిమా చేయ‌బోతున్నార‌ని దానికి సంబంధించిన చ‌ర్చ‌లు కూడా జ‌రిగాయ‌నే వార్త‌లు నెట్టింట తెగ వైర‌ల్ అయ్యింది. ఇన్ని క్రేజీ ప్రాజెక్ట్స్ ఒక‌దాని వెనుక‌ ఒక‌టి రూపొందితే ఇక ఎన్టీఆర్ ఫ్యాన్స్ చేసే హంగామా మామూలుగా ఉండ‌దు. ఇవ‌న్నీ ఒక ఎత్తైతే వ‌చ్చే ఏడాది సంక్రాంతి సంద‌ర్భంగా జ‌న‌వ‌రి 7న రాజ‌మౌళి ద‌ర్శ‌క‌త్వంలో రూపొందుతోన్న ‘ఆర్ఆర్ఆర్‌’ విడుద‌ల‌వుతుంది. ద‌ర్శ‌క ధీరుడు రాజమౌళి ద‌ర్శ‌క‌త్వంలో రామ్‌చ‌ర‌ణ్‌తో క‌లిసి ఎన్టీఆర్ న‌టించాడు. ఇందులో తెలంగాణ గోండు బెబ్బులి కొమురం భీమ్‌గా క‌నిపించ‌బోతున్నారు తార‌క్‌. మోస్ట్ అవెయిటెడ్ పాన్ ఇండియా మూవీగా అన్ కాంప్ర‌మైజ్డ్‌గా భారీ తారాగ‌ణంతో రూపొందుతోన్న ఈ సినిమా ప్ర‌స్తుతం నిర్మాణానంత‌ర కార్య‌క్ర‌మాల‌ను జ‌రుపుకుంటోంది. ఇదే సినిమాలో రామ్‌చ‌ర‌ణ్ మ‌న్యం వీరుడు అల్లూరి సీతారామ‌రాజు పాత్ర‌లో కనిపించ‌బోతున్నారు. ఈ చిత్రం ఇటు మెగా ఫ్యాన్స్‌, అటు నంద‌మూరి ఫ్యాన్స్‌తో పాటు బాహుబ‌లితో తెలుగు సినిమా రేంజ్‌ను పెంచిన దర్శ‌క‌ధీరుడు రాజ‌మౌళి ఫ్యాన్స్‌కు కూడా ఎంతో కీల‌కంగా మారింది. ఎంటైర్ ఇండియా ‘ఆర్ఆర్ఆర్‌’ కోసం ఆస‌క్తిగా ఎదురుచూస్తున్నారు.

from Telugu Movie News | Movie News in Telugu | Movie Gossips in Telugu https://ift.tt/3EUlXs5
v