హ్యాపీ దీపావ‌ళి అంటూ ఫ్యాన్స్‌కి పవర్ ప్యాక్‌డ్ గిఫ్ట్ ఇచ్చేసిన పవన్ కళ్యాణ్... త్రివిక్ర‌మ్‌కి కూడా ప‌వ‌ర్ స్టార్ గిఫ్ట్‌.. ఏంటో తెలుసా?

పవర్‌స్టార్ ప‌వ‌న్‌క‌ళ్యాణ్ త‌న ఫ్యాన్స్‌కు కిక్ ఎక్కించే దీపావ‌ళి గిఫ్ట్‌ను అందించేశారు. భీమ్లా నాయ‌క్ నుంచి క్రాక‌ర్ లాంటి వీడియో ప్రోమోను విడుద‌ల చేశారు. దాంతో అభిమానుల‌కు హ్యాపీ దీపావ‌ళి చెప్పేయ‌డం కొస మెరుపు. దీపావ‌ళి సంద‌ర్భంగా 40 సెక‌న్ల పాటు ఉండే వీడియో ప్రోమో విడుద‌లైంది. ఇందులో ప‌వ‌న్ క‌ళ్యాణ్‌పై బ‌స్తాల‌న్నీ ప‌డిపోవ‌డం ఆయ‌న దాన్ని తోసుకుంటూ మీద‌కు రావడం చూడొచ్చు. నాగ‌రాజుగారు హార్ట్‌లీ కంగ్రాట్యులేష‌న్స్ అండి.. మీకు దీపావ‌ళి పండ‌గ ముందుగానే వ‌చ్చేసిందండి.. అంటూ చేతిలో ఉన్న బాంబుల‌ను చూపించ‌గానే ఓ టాటా సుమో పేలి గాల్లోకి లేగుస్తుంది. రానా ఆ దెబ్బ‌కు భ‌య‌ప‌డి వెన‌క్కి వెళ‌తాడు. హ్యాపీ దీపావ‌ళి అంటూ ప‌వ‌న్ క‌ళ్యాణ్ వాయిస్ వినిపిస్తుంది. బ్యాగ్రౌండ్‌లో గ‌ల గ‌ల లాలా.. గ‌ల గ‌ల భీమ్లా.. భీమ్లా నాయ‌క్ అంటూ టీజ‌ర్‌లో సాంగ్ వ‌స్తుంది. పూర్తి సాంగ్‌ను న‌వంబ‌ర్ 7న త్రివిక్ర‌మ్ పుట్టిన‌రోజున విడుద‌ల చేస్తున్నామ‌ని మేక‌ర్స్ తెలిపారు. ఎందుకంటే న‌వంబ‌ర్ 7న ఈ సినిమాకు త్రివిక్ర‌మ్ మాట‌లు, స్క్రీన్‌ప్లే అందిస్తున్నారు. ఇక భీమ్లా నాయ‌క్ వీడియో ప్రోమో విష‌యానికి వ‌స్తే ప‌క్కా మాస్, అండ్ ప‌వ‌న్ ఆడియెన్స్‌కు ఆక‌ట్టుకునేలా ఉంది. హీరోయిజాన్ని ఎలివేట్ చేసేలా స‌న్నివేశాలున్నాయి. ప‌వ‌న్ క‌ళ్యాణ్ లుంగీ క‌ట్టుకుని, నిలువు బొట్టు పెట్టుకుని వీడియో ప్రోమోలో క‌నిపిస్తున్న లుక్ చూస్తే ఫ్యాన్స్ చిందేయడం ప‌క్కా. మ‌ల‌యాళ చిత్రం ‘అయ్య‌ప్ప‌నుమ్ కోశియ‌మ్‌’కు తెలుగు రీమేక్‌గా రూపొందుతోన్న ఈ చిత్రానికి సాగ‌ర్ కె.చంద్ర ద‌ర్శ‌క‌త్వం వ‌హిస్తున్గానారు. కాగా.. తెలుగు నెటివిటీ తగ్గట్టు మార్పులు చేర్పులు చేసి ప్రముఖ ద‌ర్శ‌కుడు, రైట‌ర్ త్రివిక్ర‌మ్ శ్రీనివాస్ ఈ చిత్రానికి స్క్రీన్‌ప్లే, మాట‌ల‌ను అందిస్తున్నారు. ప‌వ‌న్‌కు జోడీగా నిత్యామీన‌న్ న‌టిస్తుండ‌గా, రానా జోడీగా సంయుక్తా మీన‌న్ న‌టిస్తున్నారు. ఒకానొక దశలో ఆర్ఆర్ఆర్ వల్ల ఈ సినిమా విడుదల వాయిదా పడుతుందని కూడా న్యూస్ వచ్చింది. అయితే ఈ వార్తలను నిర్మాత సూర్యదేవర నాగవంశీ ఖండించారు. ప్రకటించినట్లే జనవరి 12న సంక్రాంతికి వస్తున్నామన్నారు. ‘వ‌కీల్ సాబ్‌’ సినిమాతో రీ ఎంట్రీ ఇచ్చిన సంగ‌తి తెలిసిందే. ఇప్పుడు భీమ్లానాయ‌క్‌, హ‌రిహ‌ర వీర‌మ‌ల్లు సినిమాలను పూర్తి చేసే పనిలో ఉన్నారు. ఈ సినిమాలు పూర్త‌యిన త‌ర్వాత హ‌రీశ్ శంక‌ర్ ద‌ర్శ‌క‌త్వంలో భ‌వ‌దీయుడు భ‌గ‌త్ సింగ్ సినిమాతో పాటు సురేంద‌ర్ రెడ్డి ద‌ర్శ‌క‌త్వంలో ఓ సినిమా చేయాల్సింది ఉంది. మ‌రికొంద‌రు ద‌ర్శ‌కులు ప‌వ‌న్ క‌ళ్యాణ్‌తో సినిమా చేయ‌డానికి సిద్ధంగా ఉన్నారు

from Telugu Movie News | Movie News in Telugu | Movie Gossips in Telugu https://ift.tt/3nSBlyk
v