RRR దెబ్బకి ‘భీమ్లా నాయక్’ వెనకడుగు.. పవర్‌స్టార్ మూవీ రిలీజ్ కోసం నిర్మాత‌ల మ‌ల్ల‌గుల్లాలు!

RRR.. మోస్ట్ ప్రెస్టిజియ‌స్ అండ్ అవెయిటెడ్ మూవీగా అంద‌రూ ఎదురుచూస్తున్నారు. ఇటు టాలీవుడ్ నుంచి ఎన్టీఆర్‌, రామ్‌చ‌ర‌ణ్‌.. బాలీవుడ్ నుంచి ఆలియా భ‌ట్‌, అజ‌య్ దేవ‌గ‌ణ్‌..హాలీవుడ్ నుంచి ఒలివియా మోరిస్‌, అలిస‌న్ డూడి, రే స్టీవెన్ స‌న్ ఇంకా స‌ముద్ర ఖ‌ని, శ్రియాశ‌ర‌న్‌.. ఇలా భారీ తారాగ‌ణాన్నంతా ఏక‌తాటిపై తీసుకొచ్చి రూ.400 కోట్ల‌తో సినిమాను చేస్తున్న డైరెక్ట‌ర్ ఎస్‌.ఎస్‌.రాజ‌మౌళి. ఇది వ‌ర‌కు బాహుబ‌లి వంటి సినిమాతో తెలుగు సినిమా సత్తాను ప్ర‌పంచానికి చాటిన ద‌ర్శ‌కధీరుడు డైరెక్ట్ చేసిన సినిమా కావ‌డంతో సినిమాపై భారీ అంచ‌నాలు నెల‌కొన్నాయి. ఈ సినిమా విడుద‌ల క‌రోనా కార‌ణంగా వాయిదా ప‌డుతూ వ‌చ్చింది. చివ‌ర‌కు ఈ ఏడాది ద‌స‌రాకు విడుద‌ల చేయాల‌ని అనుకున్నారు. కానీ కోవిడ్ సెకండ్ వేవ్ కార‌ణంగా మ‌రోసారి మేకింగ్ ఆల‌స్యం కావ‌డంతో మేక‌ర్స్ ఏం చేయలేక మ‌రోసారి త‌మ సినిమాను వ‌చ్చే ఏడాది సంక్రాంతి కానుక‌గా జ‌న‌వ‌రి 7న విడుద‌ల చేయబోతున్న‌ట్లు ప్ర‌క‌టించారు. ఇదంతా బాగానే ఉంది. కానీ.. అప్ప‌టికే రిలీజ్ డేట్స్ విష‌యంలో ఫిక్స్ అయిన ప‌వ‌ర్‌స్టార్ ప‌వ‌న్ క‌ళ్యాణ్ భీమ్లా నాయ‌క్‌, సూప‌ర్ స్టార్ స‌ర్కారువారి పాట నిర్మాత‌లు మ‌రోసారి ఆలోచ‌న‌లో ప‌డ్డారు. RRRకు ఎదురెళ్లే ప‌రిస్థితి లేక‌పోవ‌డంతోఈ స్టార్ హీరోలు కూడా వెన‌క‌డుగు వేయాల‌నుకుంటారు. ఒక‌వేళ ధైర్యం చేసి రిలీజ్ చేసినా క‌లెక్ష‌న్స్ మీద ప్ర‌భావం ప‌డే అవ‌కాశం ఉంటుంద‌ని ట్రేడ్ వ‌ర్గాలు అంచ‌నాలు వేస్తున్నాయి. ఆ కార‌ణంగా స‌ర్కారువారి, భీమ్లా నాయ‌క్ చిత్రాలు వెన‌క్కి వెళుతున్నాయ‌ట‌. స‌ర్కారువారి పాట నిర్మాత‌లు త‌మ సినిమాను వ‌చ్చే ఏడాది స‌మ్మ‌ర్ సంద‌ర్భంగా ఏప్రిల్ 28న విడుద‌ల చేయాల‌నుకుంటున్న‌ట్లు టాక్‌. అయితే ప‌వ‌న్ క‌ళ్యాణ్ భీమ్లా నాయ‌క్ నిర్మాత‌లు మాత్రం రిలీజ్ డేట్‌పై మ‌ల్ల‌గుల్లాలు ప‌డుతున్నార‌ట‌. జ‌న‌వ‌రి 26 విడుద‌ల చేస్తే ఎలా ఉంటుంద‌ని అనుకుంటున్నార‌ట‌. ఒక‌వేళ అప్పుడు కాక‌పోతే మార్చి 1 అయిన విడుద‌ల చేయాల‌నేది ప‌వ‌న్ నిర్మాత‌ల ఆలోచ‌న‌గా క‌నిపిస్తుంది. మ‌రి చివ‌ర‌కు ఏ డేట్‌కు ప‌వ‌న్ వ‌స్తాడ‌నేది రెండు, మూడు రోజుల్లో క్లారిటీ వ‌చ్చే అవ‌కాశం ఉంద‌ని స‌మాచారం. ప్రీ ఇండిపెండెన్స్ 1940 బ్యాక్‌డ్రాప్‌తో తెర‌కెక్కుతోన్న ఈ సినిమాలో తెలంగాణ గోండు వీరుడు కొమురం భీమ్‌గా ఎన్టీఆర్‌, మ‌న్యం వీరుడు అల్లూరి సీతారామ‌రాజుగా రామ్‌చ‌ర‌ణ్ క‌నిపిస్తోన్న సంగ‌తి తెలిసిందే. బ్రిటీష్‌వారిని వీరిద్ద‌రూ ఎలా ఎదిరించార‌నేదే క‌థాంశం. సినిమా విడుద‌ల‌కు 75 రోజుల మాత్ర‌మే ఉంది. ఈ టైమ్‌లో ప్ర‌మోష‌న్స్ కోసం భారీ ప్లాన్‌ను రాజ‌మౌళి అండ్ టీమ్ సిద్ధం చేసింద‌ట‌. అందుకోసం స్పెష‌ల్ చార్టెడ్ ఫ్ల‌యిట్‌ను బుక్ చేస్తున్నార‌ట‌. ఖ‌ర్చు ఎక్కువే అయినా సినిమా ప్ర‌మోష‌న్స్ కోసం నిర్మాత డి.వి.వి.దాన‌య్య భారీగానే ఖ‌ర్చు పెట్ట‌డానికి సిద్ధ‌మ‌య్యార‌ని వార్త‌లు వినిపిస్తున్నాయి.

from Telugu Movie News | Movie News in Telugu | Movie Gossips in Telugu https://ift.tt/3BcF7HF
v