MAA: ‘మా’ ఎన్నికల్లో వైకాపా జోక్యం.. సాక్ష్యాల‌ను చూపించిన ప్రకాశ్ రాజ్.. ఎన్నిక‌ల అధికారికి ఫిర్యాదు

మూవీ ఆర్టిస్ట్ అసోసియేష‌న్‌(‘మా’) ఎన్నిక‌ల‌కు సంబంధించిన గొడ‌వ‌లు ఇంకా స‌ద్దుమ‌గ‌ణ‌డం లేద‌ని జ‌రుతున్న విష‌యాల‌ను చూస్తుంటే అర్థ‌మ‌వుతుంది. విష్ణు ప్యానెల్ గెలిచిన త‌ర్వాత ప్ర‌కాశ్ రాజ్ ‘మా’ స‌భ్య‌త్వానికి రాజీనామా చేయ‌గా, ఆయ‌న ప్యానెల్ నుంచి గెలుపొందిన స‌భ్యులంద‌రూ కూడా త‌మ ప‌ద‌వుల‌కు రాజీనామా చేశారు. ఎన్నిక‌లు స‌జావుగా జ‌ర‌గ‌లేద‌ని ప్ర‌కాశ్ రాజ్ ప్యానెల్ ఆరోప‌ణ‌లు చేసింది. ఆ త‌ర్వాత చేసే మంచి ప‌నుల‌ను గ‌మ‌నిస్తామ‌ని, ఇది అంతం కాదు అరంభం అని రీసెంట్ ఇంట‌ర్వ్యూలో తెలియ‌జేసిన ప్ర‌కాశ్ రాజ్.. ఇటీవ‌ల ఎన్నిక‌ల అధికారి కృష్ణ‌మోహ‌న్‌ను ఎన్నిక‌ల సీసీటీవీ ఫుటేజ్ అడ‌గ్గా, ఆయ‌న కోర్టుకు వెళ్లాల‌ని సూచించారు. ఈ క్ర‌మంలో మ‌రోసారి ప్ర‌కాశ్ రాజ్ మ‌రో అడుగు ముందుకేసి మ‌రోసారి ‘మా’ ఎన్నిక‌ల్లో రాజ‌కీయ పార్టీలు జోక్యం చేసుకుందంటూ ఆరోప‌ణ‌లు చేశారు ఎన్నికల అధికారి కృష్ణ మోహన్‌కు లేఖ రాశారు . వైకాపా పార్టీ కార్య‌క‌ర్త నూక‌ల సాంబ‌శివ‌రావును ఎన్నిక‌ల ప్రాంగ‌ణంలోకి ఎలా అనుమ‌తించారంటూ ఆయ‌న ఎన్నిక‌ల అధికారిని ఈ సందర్భంగా ఆయన ప్ర‌శ్నించారు. జ‌గ్గ‌య్య పేట‌కు చెందిన సాంబ‌శివ‌రావ‌ర‌కు క్రిమిన‌ల్ రికార్డ్ ఉంద‌ని, అలాంటి వ్య‌క్తి ఎన్నిక‌ల ప్రాంగ‌ణంలోకి ఎలా వ‌చ్చాడ‌ని, ఎన్నిక‌లు జ‌రిగే స‌మ‌యంలో సాంబ‌శివ‌రావు అనే వ్య‌క్తి ‘మా’ స‌భ్యుల‌ను బెదిరించార‌ని ప్ర‌కాశ్ రాజ్ తెలిపారు. త‌క్ష‌ణ‌మే చ‌ర్య‌లు తీసుకోవాల‌ని ఆయ‌న ఎల‌క్ష‌న్ ఆఫీస‌ర్‌ను కోరారు. అలాగే విష్ణు మంచుతో నూక‌ల సాంబ‌శివ‌రావు ఉన్న ఫొటోల‌ను ప్ర‌కాశ్ రాజ్ త‌న ట్విట్ట‌ర్‌లో పోస్ట్ చేశారు. త్వ‌ర‌లోనే వీడియోల‌ను కూడా బ‌య‌ట పెడ‌తాన‌ని ఆయ‌న తెలిపారు. మ‌రి ఇప్పుడు విష్ణు మంచు ప్యానెల్ దీనిపై ఎలా స్పందిస్తారో చూడాలి. ‘మా’ ఎన్నిక‌ల్లో అస‌లు రాజకీయ పార్టీల జోక్యం చేసుకోలేద‌ని రెండు ప్యానెల్స్‌కు సంబంధించిన స‌భ్యులు తెలియ‌జేస్తూ వ‌చ్చారు. ఇప్పుడు ప్ర‌కాశ్ రాజ్ ఉన్న‌ట్టుండి కొన్ని ఆధారాల‌తో స‌రికొత్త వివాదానికి తెర తీశారు. అక్టోబ‌ర్ 10న జ‌రిగిన ‘మా’ ఎన్నిక‌లు ర‌సాభాస‌గా మారాయి. విష్ణు ప్యానెల్‌, ప్ర‌కాశ్ రాజ్ ప్యానెల్స్ పోటీ ప‌డ్డాయి. ఒక‌రిపై ఒక‌రు ఆరోప‌ణ‌లు చేసుకున్నారు. విష్ణు ప్యానెల్ విజ‌యం సాధించింది. అయితే ఎన్నిక‌ల్లో రాజ‌కీయ పార్టీల జోక్యం ఎక్కువైంద‌ని కూడా వార్త‌లు వినిపించాయి. అయితే ఎన్నిక‌ల రిజ‌ల్ట్ త‌ర్వాత ప్ర‌కాశ్ రాజ్ ప్యానెల్ రాజీనామాలు చేశారు. ఈరోజు ‘మా’ కోసం ఓ మంచి వార్త‌ను చెబుతాన‌ని ట్వీట్ చేసిన విష్ణు మంచు ఇప్పుడేం చెబుతాడ‌నేది, ఎలా రిటార్డ్ ఇస్తాడ‌నేది ఆస‌క్తిక‌రంగా మారింది.

from Telugu Movie News | Movie News in Telugu | Movie Gossips in Telugu https://ift.tt/3GaMjaR
v