మూవీ ఆర్టిస్ట్ అసోసియేషన్ ఎన్నికలు ఎలా మారిపోయాయో అందరికీ తెలిసిందే. ఫిల్మ్ ఛాంబర్ మెట్ల నుంచి పోలీస్ స్టేషన్ మెట్లవరకు వెళ్లింది. ఎన్నికల అధికారి నుంచి పోలీస్ అధికారుల వరకు వ్యవహారం వెళ్లింది. హేమ, నరేష్, కరాటే కళ్యాణి వివాదం ఓ వైపు, జీవిత రాజశేఖర్, నరేష్ గొడవలు ఇంకో వైపు, , ప్రత్యక్ష, పరోక్ష కామెంట్లు ఇంకో వైపు. మొత్తానికి ఇది ప్రకాష్ రాజ్, మంచు విష్ణు మధ్య పోటీలా కాకుండా మెగా ఫ్యామిలీ వర్సెస్ మంచు ఫ్యామిలీ అన్నట్టుగా మారింది. మొత్తానికి ఈ ఎన్నికలకు ముగింపురాబోతోంది. అక్టోబర్ 10న ఎన్నికలు అయిపోతాయి. అంతలోపే ఎవరు ఎన్ని మాటలు మాట్లాడాలో.. ఎన్నెన్ని ఆరోపణలు చేయాలో అన్నీ చేసేస్తున్నారు. నాగబాబు రంగంలోకి దిగి ప్రకాష్ రాజ్ను వీలైనంత ముందుకు తీసుకెళ్తున్నాడు. అటు వైపు నరేష్ బరిలోకి దూకి మంచు విష్ణును నడిపిస్తున్నాడు. మోహన్ బాబు తెర వెనుక ప్రయత్నాలు చేస్తున్నాడు. ఈ క్రమంలో సీనియర్ల మద్దతు కోసం ప్రయత్నిస్తున్నాడు. అందుకే సూపర్ స్టార్ కృష్ణ, రెబల్ స్టార్ కృష్ణం రాజులను కలిశారు. మోహన్ బాబు, మంచు విష్ణు వారి మద్దతును తీసుకున్నారు. అయితే తాజాగా కోట శ్రీనివాస రావును కూడా రంగంలోకి దించారు. ఆయనతో మా ఎన్నికల మీద మాట్లాడించారు. ఇందులో భాగంగా ఆయన మంచు విష్ణుకు మద్దతు ఇస్తున్నట్టు ప్రకటించాడు. అంతే కాకుండా ప్రకాష్ రాజ్ నిజస్వరూపాన్ని బయటపెట్టేశాడు. మంచు విష్ణు పోటీలో ఉన్నాడు, ఓట్లు వేయమని ఎందుకు అడుగుతున్నారు. ఆయన సమర్థుడు. అందరూ ఓట్లు వేస్తారు.. గెలిపిస్తారు.. అతను అర్హుడు. ఇక ప్రకాష్ రాజ్ నటన గురించి నేను మాట్లాడను. మేం అయితే అవార్డులు తెచ్చామని చెప్పుకోం. నేను ఆయనతో దాదాపు పదిహేను చిత్రాలు చేసి ఉంటాను. ఏ ఒక్క రోజు కూడా షూటింగ్కు సరైన టైంకు రాలేదు. విష్ణుకు సపోర్ట్ చేయమని కోట కోరారు.
from Telugu Movie News | Movie News in Telugu | Movie Gossips in Telugu https://ift.tt/3oJgSOo
v
No comments:
Post a Comment