మూవీ ఆర్టిస్ట్ అసోసియేషన్ ఎన్నికల చరిత్రలో ఎన్నడూ జరగనటు వంటి విషయాలు ఇప్పుడు జరుగుతున్నాయని మెగా బ్రదర్ నాగబాబు అన్నారు. ఓటుకు పదివేలు ఇస్తున్నారని, మా సభ్యులకు డబ్బులతో ప్రలోభాలకు గురి చేస్తున్నారంటూ నాగబాబు ఆరోపణలు చేశాడు. ప్రకాష్ రాజ్కు మెగా ఫ్యామిలీ మద్దతు ఇస్తోందని, కచ్చితంగా గెలిపించుకుంటామని నాగబాబు అన్నాడు. అయితే తాజాగా అందరికీ కౌంటర్లు వేశాడు. తన మేనిఫేస్టోను ప్రకటిస్తూ మీడియా ముందుకు వచ్చిన మంచు విష్ణు నాగబాబు ఆరోపణలపై స్పందించాడు. గురువారం ‘మా’ ఎన్నికల్లో తమ ప్యానెల్ గెలిస్తే, ఏమేమి చేస్తామో చెబుతూ మేనిఫెస్టోను విడుదల చేశాడు మంచు విష్ణు. ఆ తరువాత తన మీద, తన ప్యానల్ మీద చేసిన ఆరోపణలపై మంచు విష్ణు కౌంటర్లు వేశాడు. ముఖ్యంగా ఓటుకు పదివేలు అంటూ నాగబాబు చేసిన ఆరోపణలపై స్పందించాడు. మా ఎన్నికల్లో ఒక్కో సభ్యుడికి రూ.75వేలు ఇస్తున్నామని, తన తండ్రి మోహన్బాబు, తమ్ముడు మనోజ్, అక్క లక్ష్మికి కూడా ఇచ్చానని మంచు విష్ణు సటైర్ వేశాడు. మహేష్ బాబుకు రూ.75వేలు గూగుల్ పే చేశానని, ఆయన ఊళ్లో లేకపోవడంతో చూసుకోలేదని కౌంటర్లు వేశాడు. ఓటు వేయని వాళ్లను గుర్తు పెట్టుకుని వాళ్ల దగ్గరి నుంచి రూ.75వేలు వెనక్కి తిరిగి తీసుకుంటానని అదే తన అజెండా అని మంచు విష్ణు సెటైర్లు వేశాడు. మొత్తానికి మంచు విష్ణు మాత్రం ఈ సారి దూకుడుగా వ్యవహరిస్తున్నాడు. కౌంటర్లు వేయడంలో ఏమాత్రం వెనక్కి తగ్గడం లేదు. అక్టోబర్ 10న జరుగనున్న ఈ ఎన్నికల్లో గెలుస్తాడా? లేదా మంచు విష్ణు గెలుస్తాడా? అన్నది చూడాలి.
from Telugu Movie News | Movie News in Telugu | Movie Gossips in Telugu https://ift.tt/2WPFJEO
v
No comments:
Post a Comment