షారూక్ తనయుడు ఆర్యన్ ఖాన్‌కు కోర్ట్ షాక్.. బెయిల్ నిరాకరణ

బాలీవుడ్ అగ్ర కథానాయకుల్లో ఒకరైనా తనయుడు ఆర్య‌న్ ఖాన్‌కు కోర్టు షాక్ ఇచ్చింది. ఆర్య‌న్‌కు బెయిల్ ఇవ్వ‌డానికి కోర్టు నిరాక‌రించింది. బుధ‌వారం రోజున ఆర్య‌న్ బెయిల్ కోసం పిటిష‌న్ పెట్టుకున్నారు. ప‌రిశీలించిన కోర్టు బెయిల్ ఇవ్వ‌డం లేద‌ని తేల్చేసింది. ఆక్టోబ‌ర్ 3న క్రూయిజ్ డ్ర‌గ్ కేసులో షారూక్ త‌న‌యుడిని నార్కోటిక్ పోలీసులు అరెస్ట్ చేసిన సంగ‌తి తెలిసిందే. ఆర్య‌న్‌ను రెండు రోజుల్లోనే బెయిల్ వ‌చ్చేస్తుందంటూ ప్రారంభంలో వార్త‌లు వినిపించాయి. కానీ.. కోర్టు బెయిల్ ఇవ్వ‌లేదు. ప‌ద‌మూడు రోజుల పాటు రిమాండ్‌లో ఉంచింది. బుధ‌వారం రోజున కూడా ఆర్య‌న్‌కు బెయిల్ ఇవ్వ‌డానికి కోర్టు నిరాకరించింది. అక్టోబ‌ర్ 7న ఆర్య‌న్ బెయిల్ కేసుని పరిశీలించిన కోర్టు 14 రోజులు జ్యుడిషియ‌ల్ క‌స్ట‌డీని విధించింది. ఆర్య‌న్‌తో పాటు అరెస్ట్ అయిన అర్బాజ్ మ‌ర్చంట్‌, ముమ్మ‌న్ ద‌మేచ‌ల‌కు కూడా కోర్టు బెయిల్‌ను ఇవ్వ‌లేదు. అక్టోబ‌ర్ 3న క్రూయిజ్‌లో జ‌రుగుతున్న రేవ్ పార్టీపై ఎన్‌సీబీ అధికారులు దాడి చేసి దొరికిన ఆర్య‌న్‌ఖాన్‌పై 8సీ, 20బీ, 27,28,29, 35 సెక్ష‌న్స్‌పై ఎన్‌డీపీఎస్ యాక్ట్ కింద కేసు న‌మోదు చేశారు.ఇన్ని రోజుల్లో ఆర్య‌న్ త‌న బెయిల్ కోసం మూడోసారి ప్ర‌య‌త్నించారు. కానీ కుద‌ర‌లేదు. మ‌రోవైపు ఆర్య‌న్ ఖాన్ జైలులో స‌రిగ్గా తిన‌డం లేద‌ని, అక్క‌డ ప‌రిస్థితులు త‌న‌కు న‌చ్చ‌డం లేద‌ని వార్త‌లు వినిపిస్తున్నాయి. మ‌రి ఈ డ్ర‌గ్ కేసు నుంచి ఆర్య‌న్‌ఖాన్‌కు ఎప్ప‌టికి బెయిల్ వ‌స్తుందో చూడాలి. ఆర్య‌న్‌కు వి.వి.పాటిల్ అనే న్యాయ‌మూర్తి బెయిల్ ఇవ్వ‌డానికి నిరాక‌రించారు.

from Telugu Movie News | Movie News in Telugu | Movie Gossips in Telugu https://ift.tt/3aUhvN3
v