‘అసలేం తప్పు చేయలేదు’.. ఆర్యన్‌ను వదలాలి అంటూ గోల చేస్తున్న ఫ్యాన్స్

డ్రగ్స్.. ప్రస్తుతం ప్రతీ సినిమా ఇండస్ట్రీని కుదిపేస్తున్న అంశం ఇది. సినిమా ప్రపంచంలో డ్రగ్స్ వాడకం పెరిగిపోవడం.. దాన్ని అరికట్టేందుకు పోలీసులు, ఎన్‌సీబీ అధికారులు కృషి చేయడం జరుగుతూ వస్తోంది. అయితే కొద్ది రోజుల క్రితం ముంబై సముద్ర తీరంలో ఓ నౌకలో జరుగుతున్న రేవ్ పార్టీలో భారీ ఎత్తున డ్రగ్స్‌ని స్వాధీనం చేసుకున్నారు ఎన్‌సీబీ అధికారలు. ఈ క్రమంలో వాళ్లు బాలీవుడ్ స్టార్ హీరో షారుఖ్‌ ఖాన్ కుమారుడు ఆర్యన్‌ ఖాన్‌తో పాటు పలువురిని అరెస్ట్ చేశారు. అయితే ఈ కేసుకు సంబంధించి ఆర్యన్ ఖాన్‌కు వైద్య పరీక్షలు కూడా నిర్వహించారు. అయితే ఈ కేసుకు సంబంధించి ఆర్యన్‌ ఖాన్‌కు 14 రోజుల జ్యుడిషియల్ కస్టడీ విధిస్తున్నట్లు కోర్టు ప్రకటించిన విషయం తెలిసిందే. ఈ కేసులో నిజానిజాలు బయటకు వచ్చే వరకూ ఆర్యన్ పోలీసుల కస్టడీలోనే ఉండాలి అంటూ కోర్టు తీర్మానించింది. ఇక ఈ కేసులో సెలబ్రిటీలు ఉన్నారు అని తప్పుదోవ పట్టించి వాళ్లని వదిలేయ వద్దని కొందరు నెటిజన్లు డిమాండ్ చేస్తుండగా.. మరికొందరు మాత్రం అర్యన్‌కు ఈ కేసుకు ఎలాంటి సంబంధం లేదు ఆయన్ని వదిలేయాలి అని డిమాండ్లు చేస్తూ ట్వీట్లు చేస్తున్నారు. ‘ఆర్యన్ దగ్గర ఎలాంటి డ్రగ్స్ దొరకలేదు. అతను డ్రగ్స్ తీసుకున్నట్లు కూడా రుజువు కాలేదు. అయినా.. ఆయన్ని పోలీసులు అదుపులో ఉంచారు. ఇది చాలా అన్యాయం. వెంటనే ఆర్యన్‌ను పోలీసులు విడుదల చేయాలి’ అంటూ షారుఖ్ అభిమానులు సోషల్‌మీడియాలో పోస్ట్ చేస్తున్నారు. అంతేకాదు ‘#ReleaseAryanKhan’ అనే హాష్ ట్యాగ్‌ని కూడా వాళ్లు వైరల్ చేస్తున్నారు. భారత దేశం మొత్తం షారుఖ్, ఆర్యన్‌కు మద్దతుగా నిలుస్తుంది అంటూ వాళ్లు ట్వీట్‌లలో పేర్కొంటున్నారు. ‘ఇది కేవలం బీజేపీ చేసిన కుట్ర’ మరికొందరు అంటున్నారు.

from Telugu Movie News | Movie News in Telugu | Movie Gossips in Telugu https://ift.tt/2Yt17Rj
v