విజయ శాంతి ట్విట్టర్ ద్వారా..అధ్యక్ష బరి నుంచి తప్పుకున్న సి.వి.ఎల్.నరసింహ

మూవీ ఆర్టిస్ట్ అసోసియేష‌న్‌(‘మా’) ఎన్నిలు ఊహించ‌ని ట్విస్టులు తిరుగుతున్నాయి. రోజుకొక ట్విస్ట్ అటు మా స‌భ్యుల‌నే కాదు, ఎన్నిక‌ల కోసం ఆస‌క్తిగా ఎదురుచూస్తున్న వారికి కూడా ఇలాంటివి షాకింగ్‌గా అనిపిస్తున్నాయి. ‘మా’ ఎన్నికల్లో అధ్య‌క్ష ప‌ద‌వికి పోటీ చేస్తున్న సి.వి.ఎల్‌.న‌ర‌సింహ‌రావు బ‌రి నుంచి త‌ప్పుకుంటున్న‌ట్లు తెలిపారు. రెండు రోజులుగా నామినేష‌న్స్ విత్ డ్రాలు జ‌రుగుతున్న నేప‌థ్యంలో ‘మా’ అధ్యక్ష పదవికి వేసిన నామినేషన్‌ను సీవీఎల్ న‌ర‌సింహ ఉప‌సంహ‌రించుకున్నారు. ఆశ్చ‌ర్య‌పోయే విష‌య‌మేమంటే ఉద‌య‌మే సి వీ ఎల్ త‌న మ్యానిఫెస్టోను ప్ర‌క‌టించారు. కొన్ని గంట‌ల్లోనే ఆయ‌న విత్ డ్రా చేసుకోవ‌డం మీడియా వ‌ర్గాల్లో హాట్ టాపిక్‌గా మారింది. ఓ ప్ర‌త్యేక‌మైన కార‌ణంతోనే నామినేష‌న్ ఉప‌సంహ‌రించుకున్నాన‌ని సివిఎల్ తెలిపారు. అధ్యక్ష ప‌ద‌వి కంటే అసోసియేష‌న్‌లోని స‌భ్యుల సంక్షేమ‌మే ముఖ్య‌మ‌ని ఈ సంద‌ర్భంగా తెలియ‌జేశారు. తాను ఇప్పుడు రెండు ప్యానెల్స్‌లో ఎవ‌రికీ మ‌ద్దతు ఇవ్వ‌డం లేద‌ని న‌రసింహ తెలిపారు. ఉప‌సంహ‌రించుకోవ‌డానికి గ‌ల కార‌ణాల్ని రెండు రోజుల్లో వివ‌రిస్తాన‌ని ఆయ‌న అన్నారు. ఎవ‌రూ ఎన్నిక‌ల్లో గెలిచినా వారు స‌భ్యుల సంక్షేమం కోసం ప‌నిచేయాల‌ని కోరారు. ‘మా’ ఎన్నిక‌ల్లో తెలంగాణ వాదంతో సి.వి.ఎల్‌.న‌ర‌సింహ‌రావు అధ్య‌క్ష ప‌ద‌వికి పోటీ చేస్తున్న‌ట్లు ప్ర‌క‌టించారు. ఈ వాదంతో వ‌చ్చిన ఈయ‌న్ని సీనియ‌ర్ న‌టి, రాజకీయ నాయ‌కురాలు విజ‌య‌శాంతి స‌పోర్ట్ చేశారు. ట్విట్ట‌ర్ ద్వారా విజ‌య‌శాంతి త‌న‌కు స‌పోర్ట్ చేయ‌డం గురించి చెప్పిన న‌ర‌సింహ‌రావు.. ఆమెకు ప్ర‌త్యేక కృత‌జ్ఞ‌త‌లు తెలియ‌జేశారు. ఈయ‌న కూడా త‌ప్పుకోవ‌డంతో ఇప్పుడు మా అధ్య‌క్ష బ‌రిలో , ప్ర‌కాశ్‌రాజ్ మ‌ధ్య‌నే పోటీ నెల‌కొంది. అక్టోబ‌ర్ 10న ఈ ఎన్నిక‌లు జ‌ర‌గ‌నున్నాయి. రెండు ప్యానెల్స్ ఈసారి గెలుపు త‌మ‌దేన‌ని ధీమాగా ఉన్నాయి.

from Telugu Movie News | Movie News in Telugu | Movie Gossips in Telugu https://ift.tt/3uzJOtp
v