ఎప్పటిలాగే మూవీ ఆర్టిస్ట్ అసోసియేషన్ () ఎన్నికలు రోజు రోజుకూ మరింత రసవత్తరంగా మారుతున్నాయి. మంచు విష్ణు, ప్రకాష్ రాజ్ తమ తమ ప్యానల్స్ ప్రకటించి ప్రచారంలో దూసుకుపోతున్నారు. అయితే ఈ ప్రచారంలో పేలుతున్న మాటల తూటాలు సినీ, రాజకీయ వర్గాల్లో చర్చనీయాంశంగా మారాయి. ఒకరిపై ఒకరు చేసుకుంటున్న విమర్శలు హాట్ టాపిక్ అవుతున్నాయి. ఈ పరిస్థితుల నడుమ 'మా' ఎన్నికల ఇష్యూపై మంత్రి రియాక్ట్ అయ్యారు. 'మా' ఎన్నికలతో ఆంధ్రప్రదేశ్ ప్రభుత్వానికి ఎలాంటి సంబంధం లేదని పేర్కొన్న మంత్రి పేర్ని నాని.. ఈ ఎన్నికల్లో సీఎం వైఎస్ జగన్మోహన్రెడ్డి కానీ, ఏపీ ప్రభుత్వం కానీ జోక్యం చేసుకోవడం లేదని స్పష్టం చేశారు. ప్రభుత్వం తరఫున ఏ వ్యక్తిని కానీ, ఏ వర్గాన్ని కానీ సమర్థించడం లేదని తెలిపారు. ‘మా’ ఎన్నికల విషయమై ఏపీ ప్రభుత్వానికి ఏ మాత్రం ఆసక్తి, ఉత్సాహం లేదని, సినీ పరిశ్రమ వర్గాలందరికీ తాము ఈ విషయాన్ని తెలుపుతున్నామని అన్నారు. మరోవైపు 'మా' ఎన్నికలు అక్టోబర్ 10న జరగనున్న నేపథ్యంలో కీలక పరిణామాలు చోటు చేసుకుంటున్నాయి. మంచు విష్ణు తన మద్దతుదారులను కలుస్తూ ఆశిర్వాదం తీసుకుంటున్నారు. ఇప్పటికే బాలకృష్ణను కలిసిన మంచు విష్ణు ఆయన సపోర్ట్ అందుకున్నారు. తాజాగా తనకు మద్దతు ఇవ్వాలంటూ మంచు విష్ణు రెబెల్ స్టార్ కృష్ణం రాజును కలిసి.. ఆయనతో కలిసి దిగిన ఫోటోను షేర్ చేస్తూ తనకు కృష్ణం రాజు ఆశీస్సులు ఉన్నాయంటూ ట్వీట్ చేశారు మంచు విష్ణు. మరోవైపు ప్రకాష్ రాజ్ మాత్రం తనకు సినీ పెద్దల ఆశీర్వాదం అవసరం లేదని, తన సత్తాతోనే గెలుస్తా అని అంటున్నారు.
from Telugu Movie News | Movie News in Telugu | Movie Gossips in Telugu https://ift.tt/2Yi3UvR
v
No comments:
Post a Comment