సెట్స్‌లోనో.. గ్రాఫిక్స్‌లోనో కాదు.. షూటింగ్‌ కోసం అంతరిక్షంలోకి వెళ్లిన డైరెక్టర్, హీరోయిన్

గత దశాబ్ధంన్నర కాలంగా సినిమా పరిశ్రమలో ఎన్నో మార్పులు చోటు చేసుకున్నాయి. టెక్నాలజీఅ అభివృద్ధి చెందున్న కొద్ది.. సినిమాలు తీసే విధానంలో ఎన్నో మార్పులు వచ్చాయి. సినిమాటోగ్రాఫీ, గ్రాఫిక్స్, మ్యూజిక్ తదితర అంశాలు అన్ని మారిపోయాయి. అయితే ప్రేక్షకులకు వినోదం అందించడం కోసం సినిమాలు తీసే విధానంలో కూడా మార్పులు, చేర్పులు చేస్తున్నారు దర్శక నిర్మాతలు. అలా విభిన్నమైన సినిమాలు తీయడం కోసం వాళ్లు ఎన్నో ప్రయోగాలు చేస్తుంటారు. ముఖ్యంగా విదేశీ సినీ పరిశ్రమల్లో ఇలాంటి ప్రయోగాలు చేయడం ఎక్కువగా ఉంటుంది. అలాంటి ప్రయోగమే తాజాగా జరిగింది. ఇప్పటివరకూ మనం అంతరిక్షంపై రూపొందించిన ఎన్నో సినిమాలు చూసి ఉంటాము. తెలుగులో కూడా ‘అంతరిక్షం’ అనే టైటిల్‌లో ఓ సినిమా వచ్చి ప్రేక్షకులను అలరించింది. ఈ సినిమాలో వరుణ్ తేజ్ ప్రధాన పాత్రలో నటించారు. అయితే ఇప్పటివరకూ వచ్చిన సినిమాలు అన్ని కూడా అంతరిక్షం సెట్స్‌లోనో.. లేకా కంప్యూటర్‌ గ్రాఫిక్స్‌లోనో రూపొందించనవే. కానీ, కొన్ని సన్నివేశాల షూటింగ్‌ కోసం నేరుగా అంతరిక్షంలోకి వెళ్లడం ఎప్పుడైనా చూశారా.. కచ్చితంగా చూసి ఉండరు. కానీ, రష్యాకు చెందిన ఓ చిత్ర యూనిట్‌ మాత్రం కొన్ని సన్నివేశాల షూటింగ్ కోసం నేరుగా అంతరిక్షంలోకి వెళ్లింది. సినిమా రంగంలో కొత్త శకానికి నాంది పలుకుతూ.. ‘’ అనే సినిమా చిత్ర దర్శకుడు , హీరోయిన్ మంగళవారం అంతరిక్ష కేంద్రానికి బయలుదేరి వెళ్లారు. రష్యా అంతరిక్ష పరిశోధనా సంస్థ రోస్కోస్మోస్‌కు చెందిన సోయుజ్‌ ఎంఎస్‌19 వ్యోమనౌకలో మరో వ్యోమగామి ఆంటన్‌ ష్కాప్లెరోవ్‌తో కలిసి ఐఎస్‌ఎస్‌ వెళ్లారు. అంతర్జాతీయ అంతరిక్ష కేంద్రం(ఐఎస్‌ఐస్‌)లో వీరు సినిమా షూటింగ్ చేయనున్నారు. ఈ సినిమా షూటింగ్ కోసం దాదాపు 12 రోజులు దర్శకుడు, హీరోయిన్ అంతరిక్షంలో గడపనున్నారు. దీంతో అంతరిక్షంలో షూటింగ్ జరిపే తొలి సినిమాగా ఈ చిత్రం రికార్డుల్లోకి ఎక్కనుంది.

from Telugu Movie News | Movie News in Telugu | Movie Gossips in Telugu https://ift.tt/3uP2rcL
v